Gûco 32:46 - ÎVUKU RÎA ÛVORO MWARO

⁴⁶ nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

Gûco 32:46 ပူးပေါင်းရင်းမြစ်များ

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

Thaburi 78:5

Nîwavere andû a Isiraeli mawatho, na njiarwa cia Jakovu akîiva maathani. Nîwerire methe metû mathomithagie ciana ciao mawatho make,

Nthi 12:28

Ûthingu nî njîra ya gûtûûra mwoyo, nwatî waganu nî njîra ya gîkuû.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Ezek 44:5

Ngai-Mûnene akîmbîra atîrî, “Mûndû, roria waro, tega matû maku ûthikîrîrie maûndû marîa ngûkwîra megiî mawatho ma hekarû ya Ngai-Mûnene. Menya waro andû arîa magîrîrwe nî gwîtîkîrua gûtonya hekarûrî na nî arîkû matagîrîrwe nî gûtonya kuo.

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Luka 9:44

“Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

Gûco 11:18

“Mûtikariganîrwe nî maathani mama makwa na mûmaigage ngororî cienyu na mîoyorî yenyu. Moverereni njararî cienyu na mothiûrî menyu nîguo mûmaririkanage.

Gûco 11:19

Thomithagiani ciana cienyu maathani mama. Thomithagiani ciana cienyu rîrîa mûrî mîciî, rîrîa mûrî kûraca na mîciî, mûkîthiî toro na rîrîa mwaramûka.

Gûco 32:45

Rîrîa Musa aarîkirie kwîra andû onthe a Isiraeli maûndû mau monthe,

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.