Gûco 32:37 - ÎVUKU RÎA ÛVORO MWARO

³⁷ Vîndî îo Ngai-Mûnene nîakaaûria andû ake, ‘ngai cienyu irîa mwevokaga imûtethie irî kû?’

Gûco 32:37 ပူးပေါင်းရင်းမြစ်များ

2Sam 22:3

Ngai wakwa nîke ûgitîri wakwa, nîthithaga kûrî ke. Nîke ngo yakwa îrîa îngitagîra, na akambîkaria na thayû. Nîke mûvonokia wakwa; angitagîra na akamvonokia kuuma kûrî maûndû marîa macûku.

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Jeremia 11:12

Nao andû a Juda na a Jerusalemu nîmakaathiî makaîre ngai irîa marutagîra magongoona nîguo imatethie, nwatî itikamatethia rîrîa makethîrwa marî mathînarî.

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Jeremia 37:19

Marî kû arathi arîa maarathire magîkwîra atî, ‘Mûthamaki wa Babulonia ndagaakûtharîkîra kana atharîkîre vûrûri ûyû?’

Atir 10:14

Thiîni mûkarîrîre ngai icio mwathuurire nîguo imûvonokie rîrîa mûranyamarîka.”