Gûco 32:35 - ÎVUKU RÎA ÛVORO MWARO

³⁵ Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Gûco 32:35 ပူးပေါင်းရင်းမြစ်များ

Kîam 4:23

Nake Lameki nîwerire aka ake atîrî, “Ada na Zila, tanthikîrîriani, nie nîmbûragire mûndû nîûndû nîaningire.

2Sam 22:48

Ke nîke Ngai ûrîa wamvotithirie kûvoota nthû ciakwa, na akîmvotithia kwatha ndûrîrî.

2Atha 9:7

Nîûkaûraga andû a nyomba ya mwathi waku, Ahabu nîguo nîîrîvîrîrie nthakame îrîa Jezebeli eetûrûrire ya arathi ndungata ciakwa, vamwe na ya ndungata irîa ciîngî ciakwa cionthe.

Thaburi 94:1

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!

Ntha 32:34

Rîu thiî ûgatongorie andû mathiî kûrîa naakwîrire. Ririkana, mûraika wakwa nîakaamûtongoria, nwatî kavinda nîgagaakinya rîrîa ngaaûka kûverithia andû aya nîûndû wa mevia mao.”

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Isaia 13:22

Mviti nîikaarîraga irî nyombarî ndaca na îgûrû, nacio ciathi igambage irî nyombarî irîa ciarî ciao athamaki. Îvinda rîa Babuloni rîrî vakuvî! Mîthenya yarîo îrî vakuvî kûthira.”

Isaia 5:19

Maugaga atîrî, “Tiga Ngai-Mûnene eke maûndû na îvenya, nîameke narua, nîguo tûmone. Tiga mîvango ya Ûrîa Mûtheru wa Isiraeli îvinge, nîguo tûmîmenye.”

Isaia 60:22

Ûrîa mûnini gatagatîrî kenyu nîagaakûra atuîke mûvîrîga, nake ûrîa ûtarî na vinya atuîke rûrîrî rwî na vinya. Vîndî îrîa mbagîrîru yakinya nîngeka ûguo na îvenya. Nie nînie Ngai-Mûnene!”

Isaia 8:15

Andû eengî nîmakaavîngwa; nîmakaagwa na maunîkange. Nîmakaanyitwa nî mûtego ûcio na mathiîwe nao.”

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 20:11

Nwatî we Ngai-Mûnene ûrî vamwe nanie, kûrî nie we ûrî mûthigari njamba ya kûmakania; kwoguo arîa manyariraga matikamvoota, nîmagaconoka mûno nîûndû matikavootana. Gîconoko Kîamo nîgîtûûra tene na tene gîtikariganîra.

Jeremia 23:12

Kwoguo njîra ciao ikethîrwa irî ndenderû kûrî na nduma, kûrîa makaavirwa na magwe, na nîngamaretithîria mûthiro rîrîa mwaka wa kûmaverithia ûgakinya.” Ûguo nîguo nie Ngai-Mûnene nîrauga.

Jeremia 51:56

Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.

Jeremia 6:21

Kwoguo nie Ngai-Mûnene nîrauga atîrî, “Taroria nîngwigîra andû aya maûndû ma kûmavînga, methe vamwe na anake ao, andû arîa mariganîtie nao na arata nîmakaathira.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Ezek 7:5

Ngai-Mûnene augîte atîrî, “Mûthiro nî yûka kûrî mue îrûmanîrîrîte.

Hosea 13:12

“Waganu wa andû a Efiraimu nîmwandîke, Mevia make nîmaige îkûmbîrî.

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

Aroma 13:4

Nîûndû ke nî ndungata ya Ngai na arutaga wîra nîûndû wa wagîrîru waku. Nwatî ûngîka naaî, mwîtigîre nîûndû ke ethagîrwa arî na ûvoti wa kûverithia mûndû. Ke nî ndungata ya Ngai ya kûverithia arîa mekaga naaî.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

Ahib 10:30

Tue nîtwîcî ûrîa waugire atîrî, “Kwîrîvîrîria nî gwakwa, nie nîngerîvîria,” na agîcoka akiuga, “Mwathani nîke ûgaatuîra andû ake.”

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.