Gûco 32:31 - ÎVUKU RÎA ÛVORO MWARO

³¹ Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

Gûco 32:31 ပူးပေါင်းရင်းမြစ်များ

Ezira 1:3

Ngai nîekare namue muonthe arîa mûrî ake. Thiîni Jerusalemu nîguo mûgatumîre Ngai-Mûnene, Ngai wa andû a Isiraeli hekarû rîngî. Ngai ûcio nîke ûgoocagîrwa Jerusalemu.

Thaburi 18:31

Ngai-Mûnene wenga tu, nîke Ngai, Ngai wenga tu, nîke ûtûgitagîra.

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Ntha 8:6

Kwoguo Aroni nîwakûnjûrire njara agîûkîrîria mûragi wake îgûrû rîa manjî monthe ma Misiri, nacio ciûra nîciaumire igîcûra vûrûri wonthe wa Misiri.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Jeremia 40:3

na rîu nîwavingia ûndû ûcio, na eka wata ûrîa augire. Maûndû mama mekîkîte kûrî mue nîûndû nîmwevîrie Ngai-Mûnene na mûkîrega kûmwathîkîra.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Ndari 23:23

Gûtirî mûndû ûngîroga andû a Jakovu, gûtirî ûgo ûngînyita andû a Isiraeli. Andû makaaugaga atîrî, ‘Taroriani mwone magegania marîa Ngai ekîte kûrî andû a Isiraeli.’

Ndari 23:8

Nîngîruma andû arîa Ngai atarumîte atîa, kana mbarie ûndû mûcûku wîgiî andû arîa Ngai-Mûnene atarîtie ûndû mûcûku wao?

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.

1Sam 4:8

Na kaî tue tûrî arume-î! Nî ûrîkû ûngîtûvonokia kuuma kûrî ngai icio irî vinya ûguo? Nacio ngai icio nîcio ciaûragîîre Amisiri werûrî na mîrimû ya mîthemba yonthe!