Gûco 32:3 - ÎVUKU RÎA ÛVORO MWARO

³ Nîngaanîrîra rîîtwa rîa Ngai-Mûnene, nao andû nîmakaauga, Ngai nî mûnene.

Gûco 32:3 ပူးပေါင်းရင်းမြစ်များ

1Maû 17:19

We Ngai-Mûnene, wîkîte ndungata yaku maûndû mama monthe kûringana na wendi waku we mwene, nîguo maûndû mau monthe mamenyekane.

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

1Maû 29:13

Rîu, Ngai wetû, nîtûgûgûcokeria ngatho na nîtûgûkumia rîîtwa rîaku rîrîa rîrî riiri.

Thaburi 150:2

Mûkumieni nîûndû wa ciîko ciake cia vinya; mûkumieni nîûndû wa riiri wake mwîngî.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 33:19

Ngai-Mûnene nîwacokirie atîrî, “Nie, nîngaatûma riiri wakwa ûvîtûkîrîre mbere yaku na nîngaagweta rîîtwa rîakwa ‘Ngai-Mûnene’ mbere yaku. Ngonanagia wendo kûrî mûndû ûrîa ngwenda kwonia wendo na ngegucagîra ntha mûndû ûrîa ngwenda kwîguîra ntha.

Ntha 6:3

Nînaumîrîre Iburahimu, Isaka na ngiumîrîra Jakovu ta Ngai Mwene Vinya Wonthe, nwatî ndiemenyithania kûrî o na njîra ya rîîtwa rîakwa rîrîa rîtheru, Ngai-Mûnene.

Jeremia 10:6

We Ngai-Mûnene gûtirî wîngî wîkariî tawe, we wî mûnene na rîîtwa rîaku rîrî vinya mwîngî.

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Johana 17:26

Nie nînakûmenyithanirie kûrî o, na nwa ngûthiî na mbere gwîka wa guo nîguo ûmende wata ûrîa ûmendete, na nîguo wa nanie mbîthagîrwe nîrî ndaarî yao.”

Johana 17:6

“Nîndûmîte ûmenyekane nî andû a gûkû nthî arîa wamvere. O maarî aku, nawe nîwamûvere o na makîathîkîra ciugo ciaku.

Aefeso 1:19

Mvoyaga mûmenye tue arîa twîtîkîtie ûrîa tûratethua nî vinya wake mwîngî. Vinya ûyû ûratûtethia, nwaguo vinya

Gûco 3:24

‘Mwathani, Ngai-Mûnene, we nîwambîrîrîtie kûmonia, nie ndungata yaku ûnene na vinya waku. Nî ngai îrîkû gûkû nthî kana kûu îgûrû îngîvota gwîka ciîko cia vinya na maûndû manene ta mama wîkîte?

Gûco 5:24

na makîmbîra atî, ‘Ngai-Mûnene, Ngai wetû nîwatwonirie riiri na ûnene wake rîrîa twegwire akîaria arî mwakirî! Ûmûnthî nî twona Ngai akîaria na mûndû na îthenya rîa mûndû ûcio gûkua agatûûra mwoyo.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!