Gûco 32:17 - ÎVUKU RÎA ÛVORO MWARO

¹⁷ Nîmaarutîre ndaimono magongoona, nwatî tî ngai irîa methe mao maaicî; ngai irîa ciaumîrîte kavinda gatarî karaca, irîa methe mao mataatîîaga.

Gûco 32:17 ပူးပေါင်းရင်းမြစ်များ

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 44:3

Mbîkîte ûguo nîûndû wa maûndû macûku marîa mekire na magîtûma ndakare. Nîmaavîvîrie ngai cia mîvuanano ûbani na makîgooca ngai irîa o, we kana methe mao mataaicî.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Amosi 5:25

“Mue andû a Isiraeli, rîrîa mwarî werûrî mîaka mîrongo îna nîmwandutagîra magongoona?

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

Gûco 13:8

mûtigetîkîre mûndû ta ûcio amûveenererie kana mûmûthikîrîria. Mûtikeguîre mûndû ta ûcio ntha; mûtikamûgitîre kana mûmûthitha.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

Kûguû 9:20

Nao andû acio engî mataakua na njîra ya mathîna mau mathatû, matiatigana na maûndû marîa o ene meethondekerete. Matiatiga kûgooca ndaimono, kana mîvuanano ya thaavu, ya sîlûva, gîcango, kana mathiga na mîtî. Mîvuanano îo ndîavotaga kwona, kwîgua kana kûthiî na magûrû.

Atir 5:8

Nîgwacokire gûkîgîa mbaara vûrûrirî, rîrîa Aisiraeli maathuurire ngai ciîngî. Gatagatîrî ka arûme ngiri mîrongo îna a Isiraeli, kwanoneka ngo kana îtumû?