Gûco 32:11 - ÎVUKU RÎA ÛVORO MWARO

¹¹ Ta ûrîa nderi îtharagia kîomba Kîamyo; na îkagûrûka îgûrû rîa twana twayo, yambararagia mathagu mayo nîguo îtûnyitîrîre, na îgatûkuua tûrî mathagurî ma yo.

Gûco 32:11 ပူးပေါင်းရင်းမြစ်များ

Kîam 1:2

Nayo nthî ndîarî ûrîa yekariî, na ndîarî na kîndû. Manjî meengî maakunîkîrîte kûndû kuonthe, nayo nduma yarî kûndû kuonthe. Vinya wa Ngai nîguo warî îgûrû rîa manjî mau.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Isaia 31:5

Wata ûrîa gîconi kîreraga îgûrû rîa kîomba gîa kîo, nwaguo Ngai-Mûnene mwene vinya wonthe akaagitîra îtûûra rîa Jerusalemu; nîakaarîgitîra na arîkûûre, arîmenyerere na arîvonokie.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Hosea 11:3

Nînie narutire Efiraimu kûthiî, nie mwene namocire na njara ciakwa, nwatî matiamenya atî nînie namamenyagîrîra.

Gûco 33:12

Ûvoro wîgiî mûvîrîga wa Benjamini nîwaugire atîrî, “Ûyû nîguo mûvîrîga ûrîa Ngai-Mûnene endete, ke ekaraga aûgitîrîte, ekaraga aûrigicîrîtie vîndî cionthe, na atûûranagia nao vîndî cionthe.”

Ahib 11:3

Nîûndû wa wîtîkio nîtûmenyaga atî Ngai aaûmbire nthî na îgûrû na njîra ya kiugo gîake. Kwoguo kîrîa kîonekaga Kîamthondekirwe kuumana na kîrîa gîtonekaga.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 12:4

Njûnamatu îo nîyagucirie gîcunjî kîmwe Kîam ithatû Kîam njata cia îgûrû na mûkiia wayo, na îgîcikia nthî. Nayo nîyarûngamire mbere ya mûndûmûka ûcio warî vakuvî gûciara nîguo îrîe kaana gaciarwa warîo.