Gûco 32:10 - ÎVUKU RÎA ÛVORO MWARO

¹⁰ “Aamethîrîrie makîûrûraga werûrî, werû mûtiganîrie na warî na rûkûngi rûnene. Nîwamamenyerere na akîmagitîra, wata ûrîa angîmenyerera riitho rîake ke mwene.

Gûco 32:10 ပူးပေါင်းရင်းမြစ်များ

Esita 6:13

Hamani nîwerire mûka na arata ake onthe maûndû monthe marîa mekîkîte kûrî ke. Mûka na arata acio ake aûgî nîmaamwîrire atîrî, “Moridekai nîagûtuîka mûnene vandûrî vaku. Ke nî Mûyahudi na ndûngîmûvoota. Nwa nginya akûvoote.”

Thaburi 107:40

nîwanyararire atongoria arîa maamavinyagîrîria, na agîtûma maûrûre werûrî kûndû gûtarî njîra.

Thaburi 17:8

Ngitîra ta ndongu ya riitho, ûnthithe rungu rwa mathagu maku,

Nthi 7:2

Rûmagîrîra maathani makwa nîguo ûtûûre mwoyo, mamenyagîrîre ta ûrîa ûmenyagîrîra ndongu ya ritho.

Rwîmbo rwa Nyîmbo 8:5

Nû ûrîa ûkîte aumîte werûrî, manyitanîte njara na mwendwa wake? Naakûramûkirie rungu rwa mûtî wa matunda, varîa nyûkwe eguîrîre ûrûrû agîgûciara.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Ezek 16:5

Gûtirî mûndû wakwîguîrîre ntha nîguo agwîke maûndû mau. Waikirue na kûu mûgûndarî mûthenya ûcio waciarirwe nîûndû warî mûmene.

Ezek 20:36

Ngai-Mûnene augîte atî wata ûrîa aatuîrîre methe menyu marî werûrî wa Sinai nwaguo wana mue akaamûtuîrîra.

Hosea 11:3

Nînie narutire Efiraimu kûthiî, nie mwene namocire na njara ciakwa, nwatî matiamenya atî nînie namamenyagîrîra.

Hosea 13:5

Nînie namûmenyerere rîrîa mwarî werûrî; vûrûri ûrîa warî mûmagaru na ûtarî na manjî.

Zakaria 2:12

Vûrûri wa Juda nîûgaatuîka îgai rîa Ngai-Mûnene kûu vûrûrirî ûrîa mûtheru, na nîakaathuura rîngî îtûûra rîa Jerusalemu rîtuîke rîake.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Aroma 2:18

We nîwîcî ûrîa Ngai endaga wîke na nîûthomete kuumana na Watho kûthuura ûrîa wagîrîrwe nî gwîka.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

Gûco 1:19

“Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 1:31

na mwarî werûrî. Nîmwonire ûrîa Ngai-Mûnene, Ngai wenyu aamûtongoririe nginya mûgîkinya gûkû. Aamûmenyagîrîra ta ûrîa kamwana kathiîcaga kamenyereretwe nî îthe.’

Gûco 4:36

Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.