Gûco 31:9 - ÎVUKU RÎA ÛVORO MWARO

⁹ Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Gûco 31:9 ပူးပေါင်းရင်းမြစ်များ

1Atha 8:3

Rîrîa atongoria onthe maaûnganire vamwe, athînjîri-Ngai nîmaakuuire îthandûkû rîa kîrîkanîro Kîam Ngai-Mûnene

2Atha 17:37

Mûkaavingagia vîndî cionthe mawatho, irîra na maathani marîa naamwandîkîre. Mûtikagooce ngai ciîngî,

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Nehemia 8:3

Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Ndari 33:2

Musa nîwandîkire marîîtwa ma kûrîa kuonthe maambaga magema wata ûrîa aathîtwe nî Ngai-Mûnene.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 4:5

“Ngai-Mûnene nîwerire Musa atîrî, mûkiumagara kuuma îgemarî, Aroni na avîcî ake magaatonyaga îgemarî na magooca gîtambaa kîrîa kîrî mbere ya îthandûkû rîa kîrîkanîro makînakunîkîra îthandûkû rîu na kîo.

Ndari 4:6

Nîmakaarîkunîkîra na rûûo rwa mbûri rûrî rûtanduke na matandîke gîtambaa Kîam rangi wa vururu îgûrû rîa kîo, macoke macinîke mîtî ya kûrîkuua.

Maariko 12:19

“Mwarimû, Musa aatwandîkîre watho waugaga atîrî, ‘Mûthuuri angîkua na atige mûka matagîte mwana nake, nwanginya mûrwang'ina athambie mûndûmûka ûcio wa ndigwa na magîa ciana, ciîtanague na mûthuuriwe ûrîa wakwire.’

Luka 20:28

“Mwarimû, Musa aatwandîkîre Watho waugaga atî: ‘Mûthuuri angîkua na atige mûka atarî ciana, nwa nginya mûrwang'ina na mûthuuri ûcio avikie mûndûmûka ûcio wa ndigwa nîguo magîe ciana nake irîa igaatuîka cia mûrwang'ina ûcio mûkuû.’

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 5:46

Kethîrwa na ma mue nîmwetîkîtie Musa, wa nanie nîmûngîmbîtîkîtie, nîûndû ke aandîkire ûvoro ûrîa ûmbîgiî.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 17:18

Rîrîa agaatuîka mûthamaki, nwanginya akaagîa na îvuku rîa watho wa Ngai rîandîkîtwe kuuma îvukuurî rîa mbere rîa watho rîrîa rîkaraga na athînjîri-Ngai Alawi.

Gûco 31:28

Îtani athuuri onthe a mîvîrîga yenyu na atongoria onthe magomane ava nîguo nîmere ciugo ino, na nîngwîta îgûrû na nthî ituîke aira kûrî o.

Gûco 33:10

Nîmakaathomithia njiarwa cia Jakovu irîra ciaku; na mathomithie andû a Isiraeli watho waku. Nîmagaakûvîvîria ûbani, na nîmakaarutîra matega ma kûvîvua metharî yaku ya kîgongoona.

Josh 3:3

makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.

Josh 6:12

Mûthenya ûcio wîngî Joshua nîwaûkîrire kîraûko tene. Nao athînjîri-Ngai nîmoocire îthandûkû rîa kîrîkanîro Kîam Ngai-Mûnene.