Gûco 31:23 - ÎVUKU RÎA ÛVORO MWARO

²³ Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Gûco 31:23 ပူးပေါင်းရင်းမြစ်များ

1Atha 2:2

“Rîu nîrî vakuvî gûkua, gîa na vinya na wîyûmîrîrie,

1Maû 7:27

Elishama aarî îthe wa Nuni, nake Nuni aarî îthe wa Joshua.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Ndari 13:20

Tuîriani mwone kana vûrûri ûcio nî mûnoru, kana tî mûnoru, ûrî na mîtî kana ndûrî. Îîyûmîrîrieni na mûndetere matunda mamwe ma vûrûri ûcio.” (Vîndî îo nîrîo thavibu ciambagîrîria gûtunîva.)

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Ndari 27:23

Musa nîwacokire akîmwigîrîra njara kîongorî akîmûthuura na akîmûva wathani wata ûrîa aathirwe nî Ngai-Mûnene.

Ciîko 7:45

Vuvarî methe metû ma tene nîmaamûkîre îgema rîu kuuma kûrî methe mao. Nao nîmaarîkuuire vîndî îrîa maathiîre na Joshua na makîrîkinyia vûrûrirî ûrîa wacokire gûtuîka wao Ngai arîkia kûrutûrûra ndûrîrî irîa ciatûûraga kuo. Narîo nîrîekarire kuo nginya vîndî ya Daudi.

Gûco 3:28

Atha Joshua na ûmûmîrîrie na ûmwîkîre vinya; nîûndû nîke ûgûtongoria andû aya nginya maringe na megwatîre vûrûri ûcio ûkwona.’

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 31:24

Musa nîwandîkire ciugo cionthe cia watho wa Ngai îvukuurî atagûtigîrîra wanarî kiugo.

Gûco 31:3

Ngai-Mûnene Ngai wenyu ke mwene nîakaaringa athiî mbere yenyu. Nîagaacûkangia andû arîa matûûraga mavûrûri mau monthe, na mwîgwatîre vûrûri wao. Joshua nîke ûkaamûtongoria mûringe rûnjî rwa Jorodani wata ûrîa Ngai-Mûnene aaugire.

Gûco 31:6

Gîani na vinya na mûmîrîrie, mûtigetigîre kana mûrwe nî vinya, nîûndû Ngai-Mûnene Ngai wenyu nîke ûkethagîrwa vamwe namue. Ke ndakaamûtiganîria kana amûrekereria.”