Gûco 31:20 - ÎVUKU RÎA ÛVORO MWARO

²⁰ Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Gûco 31:20 ပူးပေါင်းရင်းမြစ်များ

Nehemia 9:35

Rîrîa maarî athamaki vûrûrirî wao matianagûtungata, na rîrîa maakenagîrîra maûndû meengî maro marîa wamaveete; vûrûrirî warî mûnene na mûnoru, nwatî matiatiga gwîka maûndû macûku.

Thaburi 119:70

Ngoro ciao imatîte ta maguta, nwatî nie nîngenaga nî watho waku.

Thaburi 17:10

Matirî ntha na maragia na mwîtîîo.

Thaburi 73:7

Ngoro ciao itherûkaga waganu, na meciria mao mavangaga maûndû ma waganu.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 34:20

“Kwoguo, nie Ngai-Mûnene Ngai nîramwîra atî nîngaatwithania ciira gatagatî ka ng'ondu irîa noru na ng'ondu irîa ng'înju.

Hosea 13:6

Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Gûco 11:16

Menyererani mûtikaveenererue mûtiganîrie Ngai-Mûnene na mûgooce ngai irîa ciîngî na mûitungatîre.

Gûco 11:17

Mûngîkaagooca ngai ciîngî, Ngai-Mûnene nîakaarakara nîmue na atige kuurithia mbura na mîgûnda yenyu îng'aare na îtige kuuma kîndû. Nîmûgaacoka mûkuîre kuo narua, wana ethîrwa vûrûri ûcio Ngai-Mûnene akûmûva nî mwaro.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.

Gûco 8:7

Ngai-Mûnene, Ngai wenyu nîakûmûvira vûrûrirî mwaro na mûnoru, ûrî na nyûnjî na kûndû kûtherûkaga manjî, na nyûnjî ithiîcaga na rungu rwa nthî ikaumîrîra ciandarî na irîmarî;