Gûco 31:14 - ÎVUKU RÎA ÛVORO MWARO

¹⁴ Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 31:14 ပူးပေါင်းရင်းမြစ်များ

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

1Atha 2:1

Rîrîa Daudi aarî vakuvî gûkua, nîwavere mûvîcî Solomoni mataaro ma mûthiia akîmwîra atîrî,

2Atha 1:4

Rîu thiîni mwîre mûthamaki atî Ngai-Mûnene augîte atîrî, ‘Tîûvora mûrimû ûyû waku, nwatî nama we nîûgûkua!’ ” Kwoguo Elija nîwekire wata ûrîa Ngai-Mûnene aamwathire.

2Atha 20:1

Kavindarî wa kau Hezekia nîwarwarire na aarî vakuvî gûkua. Mûrathi Isaia, mûvîcî wa Amozu nîwathiîre kûrî ke na akîmwîra atîrî. “Ngai-Mûnene akwîra wîgae, nîûndû tîûvora, nîûgûkua.”

Ayubu 1:6

Mûthenya ûmwe araika a Ngai nîmaathiîre gûcemania mbere ya Ngai-Mûnene na Caitani nîwaûkire agîkara varîa maarî.

Ayubu 2:1

Mûthenya wîngî ciûmbe cia îgûrû nîciathiîre gûcemania na Ngai-Mûnene rîngî, Caitani wanake nîwathiîre vo.

Ntha 33:11

Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Ntha 33:9

Rîrîa Musa atonya îgemarî, gîtugî gîa îtu nîkîanyûrûrûkaga gîkarûngama mûromorî wa îgema na Ngai-Mûnene akarîria Musa arî îtuurî rîu.

Ntha 34:2

Rûciû kîraûko ûkeevarîria, na unûkie kîrîmarî gîa Sinai tûgacemanie nawe vau îgûrû.

Mûvunjia 9:5

Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Isaia 38:1

Vîndî îo, Hezekia nîwarwarire mûno nginya agîkuvîvîria gûkua. Nake mûrathi Isaia, mûvîcî wa Amosi nîwathiîre kûrî ke na akîmwîra atîrî, “Ngai-Mûnene arauga ûvange maûndû ma nyomba yaku, nîûndû nîûgûkua tîûvona.”

Ndari 27:12

Ngai-Mûnene nîwerire Musa atîrî, “Unûkia kîrîmarî Kîam Abarimu na ûrorie vûrûri ûrîa naveere andû a Isiraeli.

Ndari 27:13

Warîkia kwona vûrûri ûcio we nîûgûkua ta ûrîa mûrwanyûkwe Aroni aakwire,

Ndari 27:18

Ngai-Mûnene nîwerire Musa atîrî, “Oca Joshua mûvîcî wa Nuni mûndû ûrî na ûvoti, na ûmwigîrîre njara ûmûthuure.

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Gûco 31:13

Na njîra îno njiarwa cienyu irîa itanegua watho wa Ngai-Mûnene Ngai wenyu kana iûthoma, nîikaathoma kwathîkîra Ngai-Mûnene, Ngai wenyu mavinda monthe marîa mûgûtûûra mwoyo vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 31:2

na akîmeera atîrî, “Nie nîrî na ûkûrû wa mîaka îgana rîa mîrongo îîrî na ndirî na vinya wa kûvota kûruta wîra rîngî. Wana Ngai-Mûnene nîambîrîte atî ndikaaringa rûnjî rwa Jorodani.

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Gûco 32:50

Nîûgaacoka ûkuîre kûu kîrîmarî ta Aroni mûrwanyûkwe ûrîa wakuîrîre kîrîmarî Kîam Hori;

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

Gûco 4:22

Nie ngaakuîra vûrûrirî ûyû, ndikaaringa rûnjî rwa Jorodani, nwatî mue nîmûkaaringa mûthiî mûkegwatîre vûrûri ûcio mwaro ûtuîke wenyu.

Josh 23:14

“Rîu kavinda gakwa nîgakinyu ga gûkua. Mue muonthe nîmwicî meciriarî menyu na ngororî cienyu atî Ngai-Mûnene, Ngai wenyu nîamûvete indo cionthe mbaro irîa aamwîrîîre. Gûtirî wana kîmwe gîtavingîtue.

Josh 24:1

Joshua nîwacokire agîta andû a mîvîrîga yonthe ya Isiraeli. Nao nîmaagomanire vamwe Shekemu. Nîwetire athuuri, atongoria, atirîrîri vûrûri na anene a andû a Isiraeli mathiî vakuvî na îgema rîrîa rîamûre.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

1Sam 10:19

Nî nie Ngai wenyu, ûrîa ûmûvonokagia kuuma mathînarî na mîtangîkorî yenyu yonthe, nwatî mue nîmûndiganîrîtie na mûkambîra nîmûnengere mûthamaki. Ûguo nî waro mûno. Kwoguo rûngamani mbere ya Ngai-Mûnene kûringana na ûrîa mîvîrîga yenyu îkariî, na wata ûrîa mbarî cienyu ciîkariî?”

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.