Gûco 31:13 - ÎVUKU RÎA ÛVORO MWARO

¹³ Na njîra îno njiarwa cienyu irîa itanegua watho wa Ngai-Mûnene Ngai wenyu kana iûthoma, nîikaathoma kwathîkîra Ngai-Mûnene, Ngai wenyu mavinda monthe marîa mûgûtûûra mwoyo vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 31:13 ပူးပေါင်းရင်းမြစ်များ

Nthi 22:6

Thomithia mwana njîra îrîa agîrîrwe nî kûthiîra, na wana akûra ndakaariganîrwa nîyo.

Alawi 23:43

nîguo njiarwa cienyu imenye atî Nie Ngai-Mûnene nînie naatûmire andû a Isiraeli matûûre tûnyombarî rîrîa naamarutire vûrûri wa Misiri. Nie nînie Ngai-Mûnene, Ngai wenyu.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Gûco 11:2

Ririkanani ûmûnthî maûndû marîa mwonire Ngai-Mûnene agîka. Mue nîmue mwonire maûndû mau, nwatî tî ciana cienyu. Nîmwonire ûnene wa Ngai-Mûnene Ngai wenyu, vinya wake, ûvoti wake,

Gûco 31:12

Îta andû onthe magomane vamwe: arûme, aka, ciana na ageni arîa marî matûûrarî menyu, nîguo mûndû wa wonthe egue na amenye gûtîîa Ngai-Mûnene Ngai wenyu, na kûrûmîrîra maathani make na kinyi.

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 32:47

Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Gûco 6:7

Menyagîrîrani mûmathomithanagie kûrî ciana cienyu vîndî cionthe, rîrîa mûrî mîciî, rîrîa mûrî kûraca na mîciî, rîrîa mûkûthiî toro na rîrîa mûkûramûka.