Gûco 31:12 - ÎVUKU RÎA ÛVORO MWARO

¹² Îta andû onthe magomane vamwe: arûme, aka, ciana na ageni arîa marî matûûrarî menyu, nîguo mûndû wa wonthe egue na amenye gûtîîa Ngai-Mûnene Ngai wenyu, na kûrûmîrîra maathani make na kinyi.

Gûco 31:12 ပူးပေါင်းရင်းမြစ်များ

Ezira 10:1

Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

Alawi 9:5

Andû nîmaavirire mûromorî wa îgema rîa Ngai-Mûnene nyamû irîa Musa aathanîte, nao andû onthe a Isiraeli nîmaaûnganire vo nîguo magooce Ngai-Mûnene.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”

Gûco 29:9

Kwoguo rûmagîrîrani na kinyi maathani make monthe nîguo maûndû monthe marîa mûgekaga mamûthatûkage.

Gûco 31:13

Na njîra îno njiarwa cienyu irîa itanegua watho wa Ngai-Mûnene Ngai wenyu kana iûthoma, nîikaathoma kwathîkîra Ngai-Mûnene, Ngai wenyu mavinda monthe marîa mûgûtûûra mwoyo vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Josh 8:33

Andû a Isiraeli marî vamwe na athuuri, anene na atongoria ao na ageni arîa maarî nao nîmaarûngamire mîenarî yoîrî ya îthandûkû rîa kîrîkanîro mbere ya athînjîri-Ngai a Alawi arîa maarîkuîte. Nuthu yao maarûngamîte mbere ya kîrîma Kîam Gerizimu na nuthu îngî îkarûngama mbere ya kîrîma Kîam Ebali. Ûguo nîguo Musa ndungata ya Ngai-Mûnene amaathire mageeka rîrîa kavinda gagaakinya ga kwamûkîra kîrathimo.

Josh 8:35

Andû onthe a Isiraeli, aka na ciana na ageni arîa maatûûranagia nao nîmaathomerwe mawatho monthe marîa Musa aandîkire. Gûtirî wana rîmwe rîamo rîatigîrîrwe.