Gûco 31:11 - ÎVUKU RÎA ÛVORO MWARO

¹¹ mûkaathomagîra andû onthe a Isiraeli watho ûyû vîndî îrîa mûgomanîte varîa mûgoocagîra Ngai-Mûnene.

Gûco 31:11 ပူးပေါင်းရင်းမြစ်များ

2Atha 17:37

Mûkaavingagia vîndî cionthe mawatho, irîra na maathani marîa naamwandîkîre. Mûtikagooce ngai ciîngî,

2Atha 23:2

Mûthamaki nîwathiîre hekarûrî ya Ngai-Mûnene marî na andû onthe a Juda, andû onthe a Jerusalemu, athînjîri-Ngai, arathi, na andû onthe anini na anene. Mûthamaki nîwathomire îvuku rîonthe rîa watho rîrîa rîonirwe hekarûrî ya Ngai-Mûnene andû acio mathikîrîrîtie.

Nehemia 8:13

Mûthenya wa kaîrî atongoria a mbarî cia andû onthe, wa vamwe na athînjîri-Ngai na Alawi nîmaathiîre kûrî Ezira marî vamwe nîguo makathome kîrîra Kîam Watho.

Nehemia 8:18

Kuuma mûthenya wa mbere wa kîrugo, Ezira nîwamathomagîra gîcunjî Kîam Watho wa Ngai wa mûthenya wa mûthenya. Nîmaakûngûîre kîrugo kîu kavinda ka mîthenya mûgwanja, na mûthenya wa kanana nîmaagomanire vamwe kûgooca wata ûrîa watho waugîte.

Nehemia 9:3

Nîmeekarire marûngamîte varîa maarî kavinda ka mathaa mathatû makîthomagîrwa Watho wa Ngai-Mûnene, Ngai wao. Nîmaathiririe mathaa mengî mathatû makiumbûra mevia mao na nîmaagoocire Ngai-Mûnene, Ngai wao.

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Ntha 34:24

Narîkia kwîngata ndûrîrî irîa ciîngî nîngaanenevia vûrûri wenyu. Na vîndî ya irugo icio ithatû rîrîa mûkethagîrwa mûthiîte mbere ya Ngai-Mûnene, Ngai wenyu kûmûgooca, gûtirî mûndû ûkeerirîria vûrûri wenyu.

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:14

Varîa Ngai-Mûnene akaathuura mûvîrîgarî ûmwe wa îo yenyu, nîvo mûkaarutagîra matega ma kûvîvua, na nîvo mûgeekagîra maûndû monthe marîa ngûmwatha.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.