Gûco 30:15 - ÎVUKU RÎA ÛVORO MWARO

¹⁵ “Taroriani, ûmûnthî nîramwîra mûthuure ûndû ûmwe gatagatî ka ûndû mwaro na ûndû mûcûku: gîkuû na mwoyo.

Gûco 30:15 ပူးပေါင်းရင်းမြစ်များ

Kîam 2:17

tiga matunda ma mûtî ûrîa ûmenyithanagia maûndû maro na macûku. Ndûkanarîe matunda ma mûtî ûcio nîûndû vîndî îrîa ûkaamarîa, nwanginya ûgaakua.”

Nthi 12:28

Ûthingu nî njîra ya gûtûûra mwoyo, nwatî waganu nî njîra ya gîkuû.

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Jeremia 21:8

Nawe Jeremia nîûgacoka wîre andû aya atî Ngai-Mûnene arauga atîrî, “Taroria, nîmbigîte mbere yaku gûtûûra mwoyo na gûkua.

Jeremia 42:21

Ûmûnthî nie nînamwîra ûrîa wonthe Ngai-Mûnene Ngai wenyu andûmire kûrî mue, namue mwarega gwîtîkia.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Maariko 16:16

Na mûndû wa wonthe ûgeetîkagia na avatithue nîakaavonoka. Nwatî mûndû wa wonthe ûtageetîkagia, nîagaatuîrwa Mûthenya wa Îtuîro.

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Gûco 11:26

“Ûmûnthî nîrenda mûthuure kîrîa mûkwenda: kîrathimo kana kîrumi.

Gûco 30:1

Musa nîwerire andû a Isiraeli atîrî, “Rîrîa maûndû mau monthe narîkia kûmwîra megiî kîrumi na kîrathimo makaamûnyita, na mwîcirie waro ûvoro wamo mûrî mavûrûrirî marîa Ngai-Mûnene Ngai wenyu amûnyaganîtie,

Gûco 30:14

Maathani mau marî vakuvî mûno namue. Marî tûnyuarî twenyu na ngororî cienyu, kwoguo mavingagieni.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.

Gûco 32:47

Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.