Gûco 3:6 - ÎVUKU RÎA ÛVORO MWARO

⁶ Nîtwacûkangirie matûûra monthe, na tûkîûraga arûme, aka, na ciana cionthe, wata ûrîa twekire matûûrarî marîa maathagwa nî Sihoni, mûthamaki wa Heshiboni.

Gûco 3:6 ပူးပေါင်းရင်းမြစ်များ

Ndari 21:2

Nao andû a Isiraeli nîmeerîre Ngai-Mûnene na mwîvîtwa atîrî, “Ûngîtûvotithia tûvoote andû aya, nîtûcûkangia matûûra mao monthe.”

Gûco 1:4

Eekire ûguo arîkia kûvoota Sihoni, mûthamaki wa Amori ûrîa wathanaga arî îtûûrarî rîa Heshiboni, na Ogi, mûthamaki wa Bashani ûrîa wathanaga arî matûûrarî ma Ashitarothu na Edirei.

Gûco 2:24

“Twarîkia kûvîtûka vûrûri wa Moabu, Ngai-Mûnene nîwatwîrire atî, ‘Rîu ambîrîriani kûringa rûnjî rwa Arinoni. Nîngûnenganîra Sihoni, mûthamaki wa Aamori kuuma Heshiboni vamwe na vûrûri wake kûrî mue. Mûtharîkîreni na mwoce vûrûri wake.

Gûco 2:34

Nîtwanyitire na tûgîcûkangia matûûra monthe na tûkîûraga arûme onthe, aka onthe na ciana. Gûtirî mûndû wanarî ûmwe watigarire.

Gûco 29:6

Mûtiarîa mûgate, kana mûnyue ndivei kana njovi, nwatî Ngai-Mûnene Nîwamûvere maana kuuma îgûrû nîguo mûmenye atî ke, nîke Ngai-Mûnene Ngai wenyu.

Gûco 3:2

Nwatî Ngai-Mûnene nîwambîrire atîrî, ‘Ndûkamwîtigîre, nîngûmûvecana kûrî we, andû ake, wana vûrûri wake wonthe. Nawe nîûkaamwîka wata ûrîa wekire Sihoni, mûthamaki wa Amori, ûrîa wathanaga arî Heshiboni.’

Gûco 3:5

Matûûra mama monthe mairigîtwe na nthingo ndaca na igekîrwa ivingo, igacoka ikavingwa na cuuma. Kwarî na icagi nyîngî itaarî mbirigîre na nthingo.

Josh 11:14

Andû a Isiraeli nîmaaûragire andû onthe arîa maarî matûûrarî mau na gûtirî mûndû wana ûmwe watigarire arî mwoyo. Nwatî nîmeigîre indo cia vata na nyamû cia kûrîthua irîa maatavîte.