Gûco 29:6 - ÎVUKU RÎA ÛVORO MWARO

⁶ Mûtiarîa mûgate, kana mûnyue ndivei kana njovi, nwatî Ngai-Mûnene Nîwamûvere maana kuuma îgûrû nîguo mûmenye atî ke, nîke Ngai-Mûnene Ngai wenyu.

Gûco 29:6 ပူးပေါင်းရင်းမြစ်များ

Nehemia 9:15

“Mavûta nîwamavere mîgate kuuma îgûrû, na manyonda nîwamavere manjî kuuma rûciararî. Nîwamerire mathiî makegwatîre vûrûri ûrîa wamerîrîte atî nîûkaamava.

Ntha 16:12

“Nîmbîguîte mateta ma andû a Isiraeli. Meere atî, kîvwaî makaarîcaga nyama na kîraûko makarîa mîgate wa îrîa makwenda. Nao nîmakaamenya atî nînie Ngai-Mûnene Ngai wao.”

Ntha 16:35

Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

Ndari 16:14

Nama we ndwanatûkinyia vûrûrirî ûrîa wîcûrîte îriia na ûûkî, na ndwanatûgaîra ithaka na mîgûnda ya mîthavibu îtuîke yetû. Ûreciria nwa ûveenie andû aya onthe? Tîtûka!”

Ndari 20:8

“Oca mûragi waku, na mûrî na mûrwanyûkwe Aroni mwîte andû onthe a Isiraeli vamwe, ûcoke wîre îthiga riume manjî andû onthe makîonaga. Ûguo nîguo ûkaaruta manjî kuuma îthigarî ma kûnyuwa nî andû, makaanyua onthe vamwe na ndîthia yao.”

1Akor 10:4

na makînyua manjî ma kîîroho. Nîmaanyuire manjî maumîte îthigarî rîa kîîroho rîrîa rîamarûmîrîre. Narîo îthiga rîu rîarî Kristû ke mwene.

1Akor 9:25

Mûvinyûri wa wonthe akîîmenyeria ûrîa akaavinyûra mîthakorî nîwîathaga maûndûrî monthe. Ekaga ûguo nîguo akaavewa nthûmbî îrîa îthiraga, nwatî tue twîkaga ûguo nîguo tûkaavewa nthûmbî îrîa îtathiraga.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Gûco 2:33

Nake Ngai-Mûnene, Ngai wetû nîwamûrekererie kûrî tue na tûkîmûraga; tûkîûraga avîcî ake vamwe na athigari ake onthe a mbaara.

Gûco 29:7

Rîrîa twakinyire gûkû, Sihoni, mûthamaki wa Heshiboni na Ogu, mûthamaki wa Bashani nîmaaûkire kûrûa natue; nwatî nîtwamavootire,

Gûco 3:3

“Kwoguo Ngai-Mûnene, Ngai wetû nîwarekererie mûthamaki Ogu na andû ake kûrî tue, nîtwamaûragire onthe na gûtirî wanarî ûmwe watigarire.

Gûco 3:6

Nîtwacûkangirie matûûra monthe, na tûkîûraga arûme, aka, na ciana cionthe, wata ûrîa twekire matûûrarî marîa maathagwa nî Sihoni, mûthamaki wa Heshiboni.

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.