Gûco 29:4 - ÎVUKU RÎA ÛVORO MWARO

⁴ Nwatî nginya ûmûnthî Ngai-Mûnene nîwaregire mûtaûkîrwe nî maûndû marîa mwegwire na mûkîona.

Gûco 29:4 ပူးပေါင်းရင်းမြစ်များ

Ntha 16:35

Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

Nthi 20:12

Ngai-Mûnene aaûmbire metho nîguo twonage namo, na matû nîguo twîgucage namo.

Isaia 63:17

We Ngai-Mûnene, ûrekete tuume njîrarî ciaku nîkî? Ûtûmîte tûûmie ngoro cietû tûkarega gûgûtîîa nîkî? Tûcokerere we Ngai nîûndû wa ndungata ciaku, mîvîrîga îrîa arî yo îgai rîaku.

Ezek 12:2

“Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Johana 8:43

Mûrarega gûtaûkîrwa nî ûrîa nîrauga nîkî? Mûrarega gûtaûkîrwa nîûndû mûtirenda kûthikîrîria ndûmîrîri yakwa.

2Akor 3:15

Wana ûmûnthî vîndî îrîa yonthe makûthoma watho wa Musa, methagîrwa marî akunîkîre meciria mao na gîtambaa.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Gûco 2:30

“Nwatî mûthamaki Sihoni ndetîkîra tûvîtûkîrîre vûrûrirî wake. Ngai-Mûnene, Ngai wenyu nîwamûmirie ngoro, na agîtuîka nthande nîguo tûmûvoote. Kwoguo nîtwamûtharîkîre tûkîmûvoota na tûgîoca vûrûri wake, na nîkuo tûtûûraga nginya ûmûnthî.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.