Gûco 29:23 - ÎVUKU RÎA ÛVORO MWARO

²³ Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Gûco 29:23 ပူးပေါင်းရင်းမြစ်များ

Kîam 14:2

Athamaki acio nîmaathiîre kûrûa na athamaki engî atano: mûthamaki Bela wa Sodomu, Birisha mûthamaki wa Gomora, Shinabu mûthamaki wa Adima, Shemeberi mûthamaki wa Zeboimu, na mûthamaki wa Bela (kana Zoari).

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

1Atha 9:9

Nao andû nîmakaamacokeria atîrî, ‘Nîûndû nîmaatiganîrie Ngai-Mûnene, Ngai wao, ûrîa warutire methe mao ma tene vûrûrirî wa Misiri, na makîrûmîrîra ngai ciîngî na makîigooca na magîitungatîra. Ngai-Mûnene nîwamaretere mathîna mama monthe.’ ”

2Atha 22:13

“Thiîni mûkaûrie Ngai-Mûnene vandûrî vakwa, na vandûrî va andû onthe a Juda ûvoro wîgiî mandîko ma îvuku rîîrî rîronekire, nîûndû Ngai-Mûnene nîmûrakaru mûno nîtue nîûndû methe metû matiavingia maûndû monthe marîa matwîgiî kûringana na ûrîa îvuku rîîrî riugîte.”

Ayubu 18:15

Nyomba yake rîu îtûûragwa nî andû engî, na kûu atûûraga gûakanaga ûviriti.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 34:9

Tûrûnjî twa Edomu nîtûkaagarûrûka tûtuîke rami, naguo mûthetu wa kuo ûtuîke ûviriti. Vûrûri wonthe ûgaatuîka ta rami îgûakana mwaki.

Isaia 64:11

Nyomba yetû îrîa ntheru na nthaka, kûrîa methe metû maagûkumagîria, nîîvîvîtue na mwaki îkavîa viû. Nakuo kûndû gwetû kuonthe kûrîa kwarî kûthaka gûtigîtwe kwanangîkîte.

Jeremia 17:6

Ekariî ta kamûtitû kanini werûrî, na ndakoona ûndû mwaro ûgîûka kûrî ke, agaatûûraga kûrîa gûtangîkûra kîndû werûrî, kûndû kûrî cumbî gûtatûûragwa nî andû.

Jeremia 20:16

Mûndû ûcio arotuîka ta matûûra, marîa Ngai-Mûnene omomorire atarî na ntha. Mûndû ûcio nîegue kîrîro kîraûko, na mûthenya egue înegene rîa mbaara,

Jeremia 49:18

Wata ûrîa Sodomu na Gomora na matûûra marîa mariganîtie nakuo maacûkangirue, gûtirî mûndû ûgatûûra Edomu kana avîtûkîrîra kuo. Ûguo nîguo Ngai-Mûnene arauga.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Ezek 47:11

Nwatî manjî marî marimbarî na marî tûrikorî mwena wa îria gûtikethîrwa na manjî maro, mau makethîrwa marî ma cumbî.

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Zefania 2:9

Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Luka 17:29

Nwatî mûthenya ûrîa Loti aaumire Sodomu, Ngai nîwaurithirie mwaki na ûviriti, na ûkîûraga andû acio onthe.

Aroma 9:29

Nwa ta ûrîa mûrathi Isaia augire vau mbere atîrî, “Tiga nîkwa Mwathani Mwene Vinya wonthe aatûtigarîrie njiarwa imwe, tûngîathirirue viû ta matûûra ma Sodomu na Gomora.”

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Atir 9:45

Abimeleki nîwarûire na andû a îtûûra rîu mûthenya wonthe. Nîwarîtavire na akîûraga andû a kuo, akîrîtharia agîcoka agîtûrûra cumbî kûndû kuonthe îtûûrarî rîu.