Gûco 29:20 - ÎVUKU RÎA ÛVORO MWARO

²⁰ Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Gûco 29:20 ပူးပေါင်းရင်းမြစ်များ

Kîam 6:7

akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.”

2Atha 14:27

Nwatî Ngai-Mûnene ndaarî na mworoto wa kûthiria viû andû a Isiraeli gûkû nthî. Kwoguo nîwamavonokirie kûvîtûkîrîra kûrî Jeroboamu, mûvîcî wa Joashi.

Thaburi 18:8

Ndogo yaumagîrîra maniûrûrî make, rûrîrîmbî rwa mwaki wa gûcûkangia rwaumagîrîra kanyuarî gake; na makara ma mwaki nîmaaumaga kûrî ke.

Thaburi 69:28

Marîîtwa mao marorutwa îvukuurî rîa arîa marî mwoyo, matigataranîrue na andû arîa athingu.

Thaburi 74:1

Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Thaburi 78:50

Ngai nîwarekererie marûrû make; ndaarega kûmaûraga, nwatî nîwamaûragire na mîrimû mîcûku.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Thaburi 79:5

We Ngai-Mûnene, nîûrakara nî tue nginya rî? Marakara maku nî mathiî na mbere gwakana ta mwaki nginya rî?

Thaburi 80:4

We Ngai-Mûnene, Ngai mwene vinya wonthe, nîûrakara nî mavoya ma andû aku nginya rî?

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Nthi 2:22

Nwatî andû arîa acûku nîmakaathirua kuuma gûkû nthî, na andû arîa mavangaga maûndû macûku nîmagaakûrwa kuo.

Nthi 6:34

Wîru nîûtûmaga mûndûmûrûme anyitwe nî marûrû, na ndarî ntha rîrîa akwîrîvîrîria.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Ezek 23:25

Nîûndû nîrî na marakara, nîngaatûma magûtuîre marî na mang'ûrîka. Nîmagaagûtinia na rûviû maniûrû na matû, macoke manyite anake na erîtu aku. Nao andû arîa magaatigara matakuîte, nîmakaavîvua na mwaki.

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 36:5

“Kwoguo nie Mwathani Ngai-Mûnene, nîûndû nîrî mûrakaru, nîngûverithia andû onthe a mavûrûri marîa mamûthiûrûrûkîrîtie na Edomu kuonthe. Andû acio nîmaanyitire vûrûri wakwa na nîmoonanirie kînyarari ngororî ciao na makîûgaana ûtuîke wao.

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Ezek 8:5

Nake nîwambîrire atîrî, “Mûndû, taroria na mwena wa rûgûrû.” Kwoguo nînaroririe, na vau mwenarî wa rûgûrû wa metha ya kîgongoona kwarî na mûvuano ûcio watûmaga Ngai arakare.

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Aroma 11:21

Ethîrwa Ngai ndaacaîra mvûa irîa ciarî mûtîrî ûrîa wa mbere na nîyo Ayahudi, angîmûcaîra atîa?

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Gûco 25:19

Kwoguo rîrîa Ngai-Mûnene, Ngai wenyu akaamûva vûrûri ûrîa aamwîrîîre, na amûgitîre kuuma kûrî nthû cienyu irîa ikethîrwa îmûthiûrûrûkîrîtie, nwanginya mûkaaûraga Amaleki onthe mathire viû na mariganîre. Mûtikariganîrwe nî gwîka ûguo!

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

Gûco 9:14

Ndûkangirie nîmathirie. Nîrenda kûmathiria onthe na mariganîre viû gûkû nthî. Nîngaacoka ngûtue îthe wa rûrîrî rûnene na rûrî na vinya kûmakîra.’

Ahib 12:29

nîûndû Ngai wetû nî mwaki ûrîa ûvîvagia ûkathiria.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.