Gûco 29:2 - ÎVUKU RÎA ÛVORO MWARO

² Musa nîwetire andû onthe a Isiraeli vamwe na akîmeera atîrî, “Mue nîmwonire ûrîa Ngai-Mûnene eekire mûthamaki wa Misiri, ndungata ciake, na vûrûri wake wonthe.

Gûco 29:2 ပူးပေါင်းရင်းမြစ်များ

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Ntha 8:12

Kwoguo Musa na Aroni nîmaathiîre makiuma kûrî mûthamaki na Musa akîvoya Ngai-Mûnene athengutie ciûra irîa aaretithîrîtie mûthamaki.

Isaia 42:20

Mue nîmwonete maûndû meengî, nwatî mûtitaûkagîrwa nî ûndû. Matû menyu nî mavingûre, nwatî mûtiîgucaga.”

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Gûco 11:7

Mue nîmue mwonire maûndû mau monthe manene marîa Ngai-Mûnene eekire.

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Gûco 29:3

Nîmwonire mûthiro, ciama, na maûndû ma magegania marîa Ngai-Mûnene eekire Misiri.

Josh 24:17

Ngai-Mûnene, Ngai wetû nîke warutire methe metû tene wa natue Misiri, kûrîa twatûûraga tûrî ngombo. Nîtwonire ciama nene irîa aaringire. Rûgendorî rwetû rwa gûka gûkû nîtwavîtûkîrîre mavûrûri meengî na kûu kuonthe nî Ngai-Mûnene, Ngai wetû watûgitagîra.

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.