Gûco 29:12 - ÎVUKU RÎA ÛVORO MWARO

¹² Mûrî ava ûmûnthî, nîguo mûrûthe kîrîkanîro na Ngai-Mûnene Ngai wenyu, na mwîtîkîre kûrûmagîrîra maûndû monthe ma kîrîkanîro kîu,

Gûco 29:12 ပူးပေါင်းရင်းမြစ်များ

2Atha 11:17

Mûthînjîri-Ngai Jehoiada nîwatûmire mûthamaki Joashi na andû marûthe kîrîkanîro na Ngai-Mûnene atî makethagîrwa marî andû a Ngai-Mûnene. Nîwacokire akîrûtha kîrîkanîro na mûthamaki na andû.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ezek 16:20

“Makîria ma ûguo, nîwacokire ûkînyita anake na erîtu aku, acio wanjiarîre na ûkîmaruta marî îgongoona kûrî mîvuanano îo nîguo marîwe mathire. Anga ûndû ûcio waku wa ûmaraa warî ûndû mûnini,

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 26:17

Ûmûnthî nîmweranîra atî Ngai-Mûnene nîke Ngai wenyu, na atî mûkaarûmagîrîra njîra ciake, mûkaavingagia mawatho make monthe, irîra ciake na mwîgucage mûgambo wake.

Gûco 28:9

“Ethîrwa nî mûkwathîkîra Maathani ma Ngai-Mûnene Ngai wenyu na mwîke maûndû monthe marîa amwathîte, nîakaamûtua andû ake atheru wata ûrîa aamwîrîîre.

Gûco 29:11

aka, ciana, ageni arîa mekaraga kwenyu makîmûtavagîra manjî na magîtemaga mîtî.

Gûco 29:13

nîguo amûtue andû ake kîûmbe nake ethîrwe arî Ngai wenyu wata ûrîa eerîre methe menyu; Iburahimu, Isaka na Jakovu.

Gûco 29:14

Tî mue muenga tu Ngai-Mûnene ararûtha kîrîkanîro gîkî namue, vamwe na ûrîa gîkananîtie,

Josh 24:25

Kwoguo mûthenya ûcio, Joshua nîwarûthire kîrîkanîro gatagatî ka Ngai-Mûnene na andû a Isiraeli marî kûu Shekemu. Nîwacokire akîmanengera mawatho ma kûrûmagîrîra.