Gûco 29:10 - ÎVUKU RÎA ÛVORO MWARO

¹⁰ “Ûmûnthî, muonthe mûrûngamîte mbere ya Ngai-Mûnene Ngai wenyu: atongoria a mîvîrîga yenyu, anene, arûme onthe a Isiraeli,

Gûco 29:10 ပူးပေါင်းရင်းမြစ်များ

2Maû 20:13

Vîndî îo arûme onthe a Juda na aka ao na ciana, maarûngamîte hekarûrî mbere ya Ngai-Mûnene.

2Maû 23:16

Mûthînjîri-Ngai Jehoiada nîwarûthire kîrîkanîro na andû onthe na mûthamaki atî, nîmagûtuîka andû a Ngai-Mûnene.

Nehemia 10:28

Andû acio engî a Isiraeli, athînjîri-Ngai, Alawi, arangîri a ivingo, aini, ndungata cia hekarû, na andû onthe arîa meyamûrîte kuuma kûrî ageni kûringana na ûrîa watho wa Ngai ugîte, marî vamwe na aka ao, na ciana ciao cia anake na cia erîtu irîa ciarî ndaûkîre na ciarî na ûmenyo wa maûndû nîcianyuire muma.

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Nehemia 9:38

Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.

Gûco 29:11

aka, ciana, ageni arîa mekaraga kwenyu makîmûtavagîra manjî na magîtemaga mîtî.

Gûco 29:9

Kwoguo rûmagîrîrani na kinyi maathani make monthe nîguo maûndû monthe marîa mûgekaga mamûthatûkage.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Josh 8:35

Andû onthe a Isiraeli, aka na ciana na ageni arîa maatûûranagia nao nîmaathomerwe mawatho monthe marîa Musa aandîkire. Gûtirî wana rîmwe rîamo rîatigîrîrwe.

Josh 9:21

Tigana nao matûûre mwoyo, nwatî nwanginya matuunagîre ngû na matûtavagîre manjî.” Ûguo nîguo atongoria a Isiraeli maaugire.

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.

Kûguû 6:15

Nao athamaki a nthî, andû arîa marî îgweta, anene na athigari a mbaara, itonga, andû arîa marî vinya, na andû arîa engî onthe, ngombo na arîa matarî ngombo nîmeethithire ngurungarî na mathigarî ma irîma.

1Sam 3:21

Nake Ngai-Mûnene nîwathiîre na mbere kwîyonithania kûu Shilo. Kûu nîkuo Samueli aarî vîndî îrîa Ngai-Mûnene aamumîrîrîte na akîmwarîria. Nake Samueli nîwavecanire ndûmîrîri ya Ngai-Mûnene kûrî andû onthe a Isiraeli na makîmîamûkîra.

1Sam 4:1

Vîndî îo Aisiraeli nîmaaumagarire na makîthiî kûrûa na Afilisiti; Kwoguo Aisiraeli nîmaambire magema mao kûu Ebeneza, nao Afilisiti makîamba magema mao kûu Afeku.