Gûco 29:1 - ÎVUKU RÎA ÛVORO MWARO

¹ Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Gûco 29:1 ပူးပေါင်းရင်းမြစ်များ

2Atha 23:3

Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.

Thaburi 105:27

Nîmaaringire ciama cia Ngai gatagatîrî ka andû a Misiri, na makîringa ciama kûu vûrûrirî wa Hamu.

Jeremia 11:2

“Thikîrîria maûndû marîa marî kîrîkanîrorî gîkî, ûcoke ûmamenyithie andû a Juda na atûûri a Jerusalemu.

Jeremia 11:6

Ngai-Mûnene nîwambîrire atîrî, “Anîrîra maûndû mama monthe matûûrarî ma Juda na tûcîrarî twa Jerusalemu. Îra andû a kuo megue maûndû marîa marî kîrîkanîrorî na mamavingie.

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 34:18

Nao andû arîa maunire kîrîkanîro gîakwa na makîrega kûrûmîrîra mawatho ma kîrîkanîro kîrîa marûthire mbere yakwa, ngamarûtha ta njaû îrîa maatûranirie maita maîrî na makîvîtûkîrîra gatagatî ga icunjî icio.

Alawi 26:46

Mama nî mawatho, irîra na maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 27:34

Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Ciîko 3:25

Mue mûrî a mbarî ya arathi, na nîmwamûkîrîte kîrîkanîro kîrîa Ngai aarîkanîre na methe menyu ma tene. Ke erire Iburahimu, îthe wenyu wa tene atîrî, ‘Nie nîngaarathima andû onthe a nthî na njîra ya andû a mbarî yaku.’

Gûco 1:1

Îvukuurî rîîrî nîkuo kûrî na mîario ya Musa îrîa aarîrie andû a Isiraeli vîndî îrîa maarî werûrî mwena wa îrathîro wa rûnjî rwa Jorodani. Maarî Kîamndarî Kîam Jorodani kwerekera Sufi, gatagatî ka îtûûra rîa Parani mwena ûmwe na matûûra ma Tofeli, Labani, Hozerothu na Dizahabu mwena ûcio wîngî.

Gûco 28:68

Ngai-Mûnene nîakaamûcokia Misiri na meri, wana ethîrwa nîmwaugîte atî mûtigaacoka kuo rîngî. Na mûrî kûu, nîmûkevecana kûrî o nîguo mamûgûre mûtuîke ngombo cia nthû cienyu, nwatî gûtirî mûndû ûkaamûgûra.”

Gûco 29:12

Mûrî ava ûmûnthî, nîguo mûrûthe kîrîkanîro na Ngai-Mûnene Ngai wenyu, na mwîtîkîre kûrûmagîrîra maûndû monthe ma kîrîkanîro kîu,

Gûco 29:2

Musa nîwetire andû onthe a Isiraeli vamwe na akîmeera atîrî, “Mue nîmwonire ûrîa Ngai-Mûnene eekire mûthamaki wa Misiri, ndungata ciake, na vûrûri wake wonthe.

Gûco 29:21

Ngai-Mûnene nîagaatûma mûndû ûcio anyitwe nî maûndû macûku maringanîte na irumi irîa mandîke îvukuurî rîîrî rîa watho.

Gûco 29:25

Nao nîmagaacokerua, ‘aarakarire ûguo nîûndû andû ake nîmaareganire na kîrîkanîro kîrîa Ngai-Mûnene Ngai wa methe mao aarûthire nao rîrîa aamarutire vûrûrirî wa Misiri.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Gûco 4:13

Nîwamûmenyithirie ûvoro wa kîrîkanîro kîrîa aarîkanîre namue, na akîathana atî mûkîrûmagîrîre; nakîo nî maathani îkûmi marîa andîkire ivengererî igîrî cia mathiga.

Gûco 4:23

Menyererani mûno mûtikariganîrwe nî kîrîkanîro kîrîa mwarîkanîre na Ngai-Mûnene, Ngai wenyu. Mûtikerûthîre mûvuanano wa wonthe wa indo irîa Ngai-Mûnene, Ngai wenyu aamûkaanirie.

Ahib 8:9

Gîtikeethîrwa gîkariî ta kîrîkanîro kîrîa nathondekire na methe mao ma tene, mûthenya ûrîa namocire na njara, ngîmaruta vûrûri wa Misiri. Nîmaaregire gûtuîka evokeku kûrî kîrîkanîro kîrîa nathondekire nao, kwoguo nînamatiganîrie.”

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.