Gûco 28:54 - ÎVUKU RÎA ÛVORO MWARO

⁵⁴ Wana mûndûmûrûme ûrîa mûvoreri na ûrî ntha mûno gatagatîrî kenyu, ndakaarûmia mûrwang'ina irio kana mûka ûrîa endete mûno, wana kana twana twake tûrîa tûtigarîte.

Gûco 28:54 ပူးပေါင်းရင်းမြစ်များ

2Sam 12:3

nwatî mûndûmûrûme ûcio warî mûthîni aarî na kamwatî kamwe tu aagûrîte. Nîwakamenyerere na gagîkûrîra kûu gwake mûciî vamwe na ciana ciake. Nako kaarîcaga irio wa irîa ke mwene aarîcaga na gakanyunyaga kîrîa ke aanyunyaga. Kaamamaga vakuvî nake na kûrî ke, kamwatî kau geekariî ta mwarî.

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Nthi 23:6

Ndûkarîe irio cia mûndû mûthunu, kana wîrirîrie irio ciake mbaro,

Nthi 28:22

Mûndû mûkoroku endaga gûtonga na îvenya, na ndamenyaga atî akaarîkîrîria na ûthîni.

Isaia 49:15

Mûndûmûka nwa ariganîrwe nî kaana gake karîa arongithia, na arega kwîgua ntha nî mwana ûrîa aciarîte? Wana ethîrwa mûciari wa mûndûmûka nwa ariganîrwe nî mwana wake, nie ndikaariganîrwa nîwe.

Mika 7:5

Ndûkevoke mûndû ûrîa wîngî, kana wîtîkie mûrata waku. Menyagîrîra ûrîa ûkwaria wana ethîrwa ûrarîa na mûkaguo.

Mathaayo 11:8

Mue mwathiîte kwona ndûî? Nî mûndû wekîrîte nguo cia goro? Andû arîa mekagîra nguo cia goro mekaraga nyombarî cia mûthamaki.

Mathaayo 20:15

Nie nîrî na rûtha rwa gwîka wa ûrîa nî ngîenda gwîka na mbeca ciakwa. Ndwagîrîrwe nî kwîgua wîru nîûndû nî mûtaana.’ ”

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.

Gûco 28:53

“Rîrîa mûkaarigicîrua nî nthû cienyu, nîmûkaagîa na thîna nyîngî mûno ya irio, nginya mûrîe ciana cienyu irîa Ngai-Mûnene Ngai wenyu amûrathimîte nacio.

Gûco 28:55

Ndakaarûmia wanarî ûmwe wao nyama cia ciana ciake irîa aûragîte nîguo arîe, nîûndû ndakethîrwa atigarîtie kîndû vuva wa thîna ûrîa ûkethîrwa kuo nîûndû wa kûrigicîrua nî nthû kûu matûûrarî.