Gûco 28:48 - ÎVUKU RÎA ÛVORO MWARO

⁴⁸ Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Gûco 28:48 ပူးပေါင်းရင်းမြစ်များ

1Atha 8:33

“Vîndî îrîa andû aku Aisiraeli mangîkaavootwa nî nthû ciao nîûndû wa kwîthîrwa makûvîtîrîtie, na macoke magûcokerere na maûke hekarûrî îno na makûvoye na wînyivia nîguo ûmovere,

2Maû 12:8

Nwatî nîmagaatuîka ndungata ciake nîguo mamenye ngûrani ya kûndungatîra na gûtungatîra athamaki a gûkû nthî.”

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Jeremia 5:19

Nao andû enyu mangîkaûria gîtûmi Kîam mbîke maûndû mama monthe, we Jeremia ûkaamera atî, ‘wata ûrîa mwareganire nanie na mûkîgooca ngai ng'eni irîa ciarî vûrûrirî wenyu, nwata guo mûgatungatîra ageni mûrî vûrûrirî ûrîa ûtarî wenyu.’ ”

Maca 1:14

“Nîwatarire mevia makwa monthe, na akîmovania monthe vamwe. Nîwamoverere ngingorî yakwa, ngîthira vinya nîûndû wa ûrito wa mo. Mwathani nîwandekererie njararî cia nthû ciakwa, irîa ndangîavotire gwîtirîria.

Maca 1:3

Andû a Juda nîavire îthamîriorî, marî ngombo na marî na mathîna meengî. Matûûranagia na andû a ndûrîrî, na mationaga vandû mangîvurûka. Arîa onthe mamarûmîrîrie nîmaamanyitire, matiarî na gwa kûûrîra.

Maca 4:4

îtiganagîria ciana ciayo, ikua nî yûra na nyonda; ciana ciayo ivoyaga gîa kûrîa, na itionaga wa kûmarûmia kîndû.

Ezek 17:12

“Rîu arîria andû acio aremi ûmaûrie kana nîmaicî ûrîa ngerekano îo yugîte. Meere atî mûthamaki wa Babuloni nîwaûkire Jerusalemu na agîoca mûthamaki wa Jerusalemu wa vamwe na atongoria ake na akîthiî nao Babuloni.

Ezek 17:3

na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.

Ezek 17:7

“Nwatî kwarî na nderi yarî nene na yarî na mathagu manene na mbûî nyîngî. Kwoguo mûtî ûrîa wa mûthavibu ûrî wa vau warî nîwarorithirie mîri yaguo na kûrî nderi îo. Nîwacokire ûkîruta mvûa ûgîcierekeria na kûrî nderi îo nîguo îrwîtagîrîrie manjî.

Ezek 23:29

Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.