Gûco 28:43 - ÎVUKU RÎA ÛVORO MWARO

⁴³ “Ageni arîa matûûraga vûrûrirî wenyu nîmakaathiî na mbere kûgîa na vinya kûmûkîra, namue nîmûkaathiî na mbere kûthirwa nî vinya.

Gûco 28:43 ပူးပေါင်းရင်းမြစ်များ

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

Thaburi 79:8

Ndûgatûverithie nîûndû wa mevia ma methe metû. Twîguîre ntha rîu, nîûndû tûrî athiru mwîvoko viû.

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Johana 18:31

Nake Pilato nîwamerire atîrî, “Kwoguo vi mwoceni mûkamûcirithie kûringana na watho wenyu.” Nao nîmaamûcokerie atîrî, “Tue tûtiîtîkîrîtue kûûraga mûndû.”

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Gûco 28:13

Ngai-Mûnene nîakaamûtua a mbere nwatî tî a mûthiia. Maûndû menyu makethagîrwa makîthiî na mbere na matigaacoka na vuva, ethîrwa nî mûkwathîkîra maathani ma Ngai-Mûnene Ngai wenyu marîa ngûmwatha ûmûnthî na mûmavingagie na kinyi.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.

Atir 2:3

Kwoguo rîu nîramwîra atî, ndikengata andû aya kuuma kûrî mue. Makethagîrwa marî nthû cienyu na mûkaveenagîrîrua nî ngai ciao cia mîvuanano.”

Atir 6:6

Aisiraeli nîmaavootirwe nî Amidiani, na nîmaarîrîre Ngai-Mûnene amatethie.