Gûco 28:4 - ÎVUKU RÎA ÛVORO MWARO

⁴ “Ngai-Mûnene nîakaarathima ciana cienyu, maciaro ma mîgûnda yenyu, na arathime ndîthia ya ng'ombe na ng'ondu cienyu.

Gûco 28:4 ပူးပေါင်းရင်းမြစ်များ

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 39:5

Kuuma Josefu aatuîka ndungata na mûrûngamîrîri wa indo cia Potifa, Ngai-Mûnene nîwarathimire mûciî wa Mûmisiri ûcio vamwe na indo ciake irîa ciarî mûciî na irîa ciarî mûgûndarî.

Kîam 49:25

Ngai wa aguo nîke ûgagûtethagia, Ngai mwene vinya wonthe arokûrathima, akûrathimage na mbura kuuma îgûrû, akûrathimage na manjî kuuma rungu rwa nthî, akûrathime na ciana nyîngî na ûrîthi waku ûkûthatûke.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Thaburi 127:3

Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

Thaburi 128:3

Mûkaguo agekaraga ta mûthavibu ûrîa ûciaraga mûno arî gwaku mûciî; ciana ciaku ikethagîrwa ciîkariî ta matumû ma mûtî wa mûtamaiyû ithiûrûrûkîrîtie metha yaku.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 13:22

Mûndû mwaro nîatigagîra njiarwa ciake îgai, nwatî ûtonga wa andû arîa evia ûthiîcaga na andû arîa athingu.

Nthi 20:7

Mûndû mûthingu ûrîa ûtûûraga na mîtugo mîagîrîru, njiarwa ciake nîikaarathimwa.

Alawi 26:9

Nîngaamûrathima na ndûme mwongerereke na nîngaavingia kîrîkanîro kîrîa naarûthire namue.

Gûco 28:11

Ngai-Mûnene nîagaatûma mûthatûkwe; nîmûkaagîa na ciana nyîngî, ndîthia nene ya ng'ombe, na irio nyîngî cia mûgûnda mûrî vûrûrirî ûrîa Ngai-Mûnene eerîre methe menyu atî nîakaamûva.

Gûco 28:18

Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.

Gûco 28:3

“Ngai-Mûnene nîakaamûrathima mûrî matûûrarî menyu na mûrî mîgûndarî yenyu.

Gûco 28:5

“Ngai-Mûnene nîakaarathima mîrûrû yenyu na arathime indo irîa mûtûmagîra kûruga irio.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.