Gûco 28:36 - ÎVUKU RÎA ÛVORO MWARO

³⁶ “Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

Gûco 28:36 ပူးပေါင်းရင်းမြစ်များ

2Atha 25:11

Nebuzaradani nîwacokire akînyita andû onthe arîa maatigîtwe îtûûrarî vamwe na andû arîa maathiîte na makerekereria kûrî mûthamaki wa Babuloni na akîmavira îthamîriorî.

2Atha 25:21

Nebukadinezarû nîwarivire andû acio na akîmaûragîra kûu Ribula vûrûrirî wa Hamathi. Kwoguo andû a Juda nîmaarutirwe vûrûrirî wao na makîvirwa îthamîriorî.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

2Maû 36:1

Andû a vûrûri wa Juda nîmaacokire makîthuura Jehoahazi, mûvîcî wa Josia na makîmûtua mûthamaki wa Jerusalemu vuva wa îthe.

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

2Maû 36:20

Andû a Juda arîa maatigarire nîmaavirirwe îthamîriorî Babuloni na magîtuîka ndungata cia mûthamaki wa Babuloni na njiarwa ciake. Nîmaatûûrire kûu marî ngombo nginya rîrîa kwagîîre na ûthamaki wa Perisia.

2Maû 36:6

Nebukadinezarû, mûthamaki wa Babuloni nîwamûtharîkîre na akîmûnyita akîmûvira Babuloni amwovete na mvîngû.

Isaia 39:7

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

Jeremia 15:14

Nîngatûma mûtungatagîre nthû cienyu mûrî vûrûrirî mûgeni, nîûndû nîrî na marakara mekariî ta mwaki ûtavorekagia tene na tene.”

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Jeremia 39:1

Mwerirî wa îkûmi mwaka wa kenda Zedekia arî mûthamaki wa Juda, Nebukadinezarû mûthamaki wa Babuloni na athigari ake onthe a mbaara nîmaarigicîrie îtûûra rîa Jerusalemu na makîrîtharîkîra.

Jeremia 9:15

Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Ezek 11:9

Nîngaamûruta îtûûrarî na nîmûnenganîre kûrî andû ageni na nîngaamûtuîra.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 29:17

Nîmwonire ngai cia mîvuanano irîa Ngai-Mûnene athûrîte irûthîtwe na mîtî, mathiga, sîlûva na thaavu.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.

Gûco 4:28

Mûrî mavûrûrirî mau, mûgaatungataga ngai cia mûvuanano irûthîtwe nî andû: ngai cia mîtî, mathiga, irîa itonaga, itegucaga, itarîcaga na itanungagîra.

1Sam 12:25

Nwatî ethîrwa nîmûkûthiî na mbere gwîka maûndû ma wîvia, mue mûkaathirua wa vamwe na mûthamaki wenyu.”