Gûco 28:32 - ÎVUKU RÎA ÛVORO MWARO

³² Anake enyu na erîtu enyu makaavecanagwa kûrî ageni wa mûroretie. Mûgeekaraga wa mûthenya mûkûûrîte metho mwone kana nîmagûcoka, nwatî mûtikethîrwa mûrî na ûvoti wa kûrigîrîria mathiî.

Gûco 28:32 ပူးပေါင်းရင်းမြစ်များ

2Maû 29:9

Kîu nîkîo gîatûmire methe metû maûragwa marî mbaararî na aka etû, erîtu etû na anake etû matavwe.

Ayubu 11:20

Nwatî metho ma andû aganu nîmakaathira vinya, nîmakaarigwa nî njîra cionthe cia kûûrîra, kîîrîgîrîro Kîam o Kîam mûthiia nî gûkua.”

Ayubu 17:5

Mûndû ûrîa ûcukanagîrîra arata ake nîûndû wa mbeca, ciana ciake nîcio icokaga kwona thîna.

Ayubu 31:8

nthithina yakwa îrorîwa nî mûndû wîngî, na kîrîa ngûragia mûgûndarî gîkûûrwe.

Thaburi 119:123

Metho makwa nî manogu nî gweterera ûvonokio waku, na ûvingie ciîranîro ciaku cia ûthingu.

Thaburi 119:82

Metho makwa nî manogu nî kûroria mbetererete kîrîa wambîrîre, nîraûria atîrî, “Ûkaanyûmîrîria rî?”

Thaburi 69:3

Nîrîmûthiru vinya nîûndû wa kûrîra nîguo ndethue, mûmero wakwa nî mûng'arûku. Metho makwa nî mathiru vinya nî kûrîra, ngwetererete we Ngai wakwa.

Isaia 38:14

“Ng'ambaga ta cûcû wa njoka, njaaga ta ndutuura. Metho makwa nîmathiru vinya nî kûroria îgûrû. Ûûi Mwathani, nînîrathînîka tuîka mûgitîri wakwa.

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 4:17

Twekarire tweterere ûtethio tûkînoga, twetererete ûtethio kuuma kûrî vûrûri ûtangîtûvonokia.

Maca 5:17

Nîûndû wa ûguo ngoro cietû nî ndwaru, na metho metû magatiga kwona,

Ezek 24:25

Ngai-Mûnene nîwambîrire atîrî, “Mûndû, kûrî mûthenya ngaamacuuna kîrîa moonaga arî kîo gîa kûmagitîra, gîkeno Kîamo na riiri wao, kîrîa meriragîria na metho mao na ngoro ciao na nîmacune ciana ciao cia anake na cia erîtu.

Joeli 3:6

Nîmwendetie andû a Juda na a Jerusalemu kûrî andû a Ngiriki na mûkîmavira kûraca na vûrûri wao.

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Mika 2:1

Andû arîa mavangaga maûndû macûku kaî marî na thîna-î, mararaga matarî toro magîciria maûndû macûku! Gwakîa kîraûko mathiîcaga gwîka ûndû ûcio, nîûndû marî na vinya.

Mika 4:10

Mue andû a Jerusalemu, rîrani na mûthînîke nî ûrûrû ta wa mûndûmûka agîciara, nîûndû nîmûkuuma îtûûrarî rîîrî mûthiî mûgatûûre werûrî, nîmûkûthiî Babuloni. Nwatî mûrî kûu Ngai-Mûnene nîakaamûvonokia, na amûkûûre kuuma kûrî nthû cienyu.

Ndari 21:29

Mue andû a Moabu mûrî arume! Mue andû a arîa mûgocaga Kemoshi mûrî acûkangie; ngai yenyu nîyatûmire arûme matuîke mbûrûrû, na aka matuîke mîgwate ya mûthamaki Sihoni wa Amori.

Gûco 28:18

Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.

Gûco 28:31

Ng'ombe cienyu ikaaûragagwa mûkîonaga na mûtikaarûma nyama ciacio. Mûgaacunagwa mvunda cienyu na vinya na mûtigaacokerua cio. Ng'ondu cienyu ikaavecagwa nthû cienyu, na gûtirî mûndû ûkaamûtethia.

Gûco 28:41

Nîmûkaagîa na anake na erîtu, nwatî matikethîrwa marî enyu nîûndû onthe nîmagaatavwa.

Gûco 28:65

Mûtikeganîra kana mûgîe na thayû mûrî mavûrûrirî mau, na gûtigaatuîka kwenyu. Ngai-Mûnene nîagaatûma mwîthîrwe mûrî na guoya, mûtarî na kîîrîgîrîro na mûthirîtwe nî mwîvoko.