Gûco 28:31 - ÎVUKU RÎA ÛVORO MWARO

³¹ Ng'ombe cienyu ikaaûragagwa mûkîonaga na mûtikaarûma nyama ciacio. Mûgaacunagwa mvunda cienyu na vinya na mûtigaacokerua cio. Ng'ondu cienyu ikaavecagwa nthû cienyu, na gûtirî mûndû ûkaamûtethia.

Gûco 28:31 ပူးပေါင်းရင်းမြစ်များ

Ayubu 20:28

Indo ciake cionthe nîigaatavwa, Ithirue cionthe vîndî ya marakara manene ma Ngai.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Gûco 28:30

“Mûndû akaarîkanagîra na mwîrîtu atî nîakûmûvikia, nake mûndûmûrûme wîngî akamenyana nake kîîmwîrî. Mûndû agaatumaga nyomba na ndagaatûûra kuo. Mûndû akaavandaga mîthavibu, nwatî ndakaarîa thavibu ciayo.

Gûco 28:32

Anake enyu na erîtu enyu makaavecanagwa kûrî ageni wa mûroretie. Mûgeekaraga wa mûthenya mûkûûrîte metho mwone kana nîmagûcoka, nwatî mûtikethîrwa mûrî na ûvoti wa kûrigîrîria mathiî.

Atir 6:1

Andû a Isiraeli nîmeevîrie Ngai-Mûnene rîngî. Kwoguo Ngai-Mûnene nîwamarekererie wathanirî wa andû a Midiani îvinda rîa mîaka mûgwanja.

Atir 6:4

Nîmaatumire magema vûrûrirî wa Aisiraeli na magîcûkangia irio irîa ciarî mîgûndarî kûndû kuonthe kûrîa kûriganîtie na Gaza. Nîmaathiîre na ng'ondu cionthe, ng'ombe, na mvunda na matiatiga kîndû wanarî kîmwe kûngîtûûria Aisiraeli mwoyo.