Gûco 28:29 - ÎVUKU RÎA ÛVORO MWARO

²⁹ Mûkaathiîcaga mûthenya mûkînyitanyitaga ta ndumumu na gûtirî ûndû ûkaamûthatûka maûndûrî marîa mûgeekaga. Mûkaavinyagîrîrua vîndî cionthe na mûgacunagwa indo cienyu na vinya na gûtirî mûndû ûkaamûtethia.

Gûco 28:29 ပူးပေါင်းရင်းမြစ်များ

Kîam 19:11

Nîmaacokire magîtûma arûme onthe arîa maarî nja, mûnene na mûnini matuîke ndumumu nîguo matikavote kwona mûrango.

Nehemia 9:37

Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Ayubu 12:25

Mathiîcaga makînyitanyitaga ndumarî, na magatûgûga ta mîrîu.

Ayubu 5:14

Marumagîrwa nî nduma kûnarî mûthenya, na maatataga mûthenya ta andû marî ndumarî.

Ntha 10:21

Ngai-Mûnene nîwacokire akîra Musa atîrî, “Ûkîrîria njara yaku îroretie na îgûrû maturî. Na nîgûkûgîa nduma nene mûno îngîvota kûnyitîka na îîgûkunîka vûrûri wonthe wa Misiri.”

Isaia 59:10

Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Jeremia 9:19

Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Maca 4:14

Nao maathiîcaga njîrarî ta ndumumu, megwatirie mûgiro na nthakame, gûtirî mûndû ûngîavutirie nguo ciao.

Maca 5:17

Nîûndû wa ûguo ngoro cietû nî ndwaru, na metho metû magatiga kwona,

Maca 5:8

Tue twathagwa nî ngombo, tûtirî na mûndû wa gûtûkûûra kuuma njararî ciao.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Ciîko 21:24

Thiîcania nao, ûnyitanîre nao îgongoonarî rîao rîa kwîtheria na ûrîve matûmîri mao monthe nîguo menjwe ciongo. Na njîra îno andû onthe makaamenya atî maûndû marîa maregua makwîgiî tî ma ma. Nwatî we mwene nîûtûûraga kûringana na Watho wa Musa.

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Gûco 28:28

Ngai-Mûnene nîagaatûma mume ngoma, mûre metho na mûvîngîcîke meciria.

Atir 10:8

Nao Afilisiti na Aamoni nîmaarivire na makîvinyîrîria andû onthe a Isiraeli arîa maatûûraga vûrûrirî wa Amori mwena wa îrathîro wa Jorodani kûu Gileadi îvinda rîa mîaka îkûmi na înana (18).

Atir 13:1

Andû a Isiraeli nîmeevîrie Ngai-Mûnene rîngî, nake Ngai-Mûnene nîwamarekererie wathanirî wa Afilisiti îvinda rîa mîaka mîrongo îna.

Atir 3:14

Andû a Isiraeli nîmaatungatîre Egiloni mûthamaki wa Moabu îvinda rîa mîaka îkûmi na înana.