Gûco 28:22 - ÎVUKU RÎA ÛVORO MWARO

²² Ngai-Mûnene nîagaatûma mûnyitwe nî wonje, kûgîa na matoo mwîrî, kûviûva mwîrî, ûrugarî mwîngî, na gûtura mbura. Maûndû mau matikaathira kûrî mue nginya rîrîa mûgaakua.

Gûco 28:22 ပူးပေါင်းရင်းမြစ်များ

1Atha 17:7

Vuva wa kavinda kanini karûnjî kau nîkaavwîre nîûndû gûtiarî na mbura vûrûrirî ûcio.

1Atha 8:37

“Vûrûri ûyû ûngîkaagîa yûra kana mûrimû mûcûku, kana ndavaîki kana ikundi cia ngige kana mûgariû, kana andû aku matharîkîrwe nî nthû ciao, kana kûgîe na mûthiro kana mûrimû gatagatîrî kao,

2Maû 6:28

“Vîndî îrîa gûkaagîa yûra vûrûrirî ûyû kana milideu, kana ndavaîki, kana ngige, kana igunyû, kana andû matharîkîrwe nî nthû ciao, kana kwîthîrwe na mûthiro, kana mûrimû wa wonthe,

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Amosi 4:9

“Nînamûverithirie na kûmûvîvîria mîmera na ndavaîki. Mîgûnda yenyu yonthe ya irio wana ya mûthavibu wana mîtî yenyu îrîa îkethagwa ngûyû na ndamaiyû nîyarîrwe nî ngige. Kûnarî ûguo nîmwaregire kûnjokerera.

Hagai 1:11

Nîndûmîte kûgîe na thano vûrûrirî, na îgacûkangia irîmarî, mîgûnda ya ngano, mîgûnda ya mîthavibu na ya mîtamaiyû, andû na nyamû na kîrîa kîonthe mûkûragia.”

Hagai 2:17

Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.

Hagai 2:19

Wana ethîrwa gûtirî na ngano makûmbîrî, mîthavibu, mîkûyû, mîkûngûmanga, na mîtî ya mîtamaiyû tî mîciaru, kuuma rîu nîngûmûrathima.”

Zakaria 14:12

Ngai-Mûnene nîagaatûma ndûrîrî irîa ciarûire na Jerusalemu igwatwe nî mûrimû mûcûku. Mîîrî yao nîîkora, na metho mao na nîmî ciao ciore marî mwoyo.

Gûco 28:23

Îgûrû gûkethîrwa kûtherete ta gîcango nakuo nthî kûmagarîte ta cuuma nîûndû wa gûtura mbura.

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.