Gûco 28:2 - ÎVUKU RÎA ÛVORO MWARO

² Nîakaamûva indo ino cionthe mbaro na amwîngîvîrie cio makîria.

Gûco 28:2 ပူးပေါင်းရင်းမြစ်များ

Thaburi 128:4

Ûguo nîguo mûndû ûrîa wîtigîrîte Ngai-Mûnene akaarathimwa.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Gûco 11:27

Ethîrwa nî mûkwathîkîra maûndû marîa Ngai-Mûnene Ngai wenyu amwathîte, nîmûkwamûkîra kîrathimo.

Gûco 28:15

“Nwatî ethîrwa mûtikaathîkîra na kinyi ûrîa Ngai-Mûnene Ngai wenyu akuuga, kana mûrege kûvingia maathani make na maûndû monthe marîa ngûmwatha ûmûnthî nîmûkaanyitwa nî irumi ino cionthe irûmîrîrîte na mûtûûre nacio nginya rîrîa ikaamûthiria.

Gûco 28:3

“Ngai-Mûnene nîakaamûrathima mûrî matûûrarî menyu na mûrî mîgûndarî yenyu.

Gûco 28:45

“Irumi icio cionthe nîikaamûrûmîrîra, imûnyite na imûthirie, nîûndû nîmwaregire kwathîkîra Ngai-Mûnene Ngai wenyu, na mûkîrega kûvingia mawatho na maathani marîa aamûveere.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.