Gûco 28:16 - ÎVUKU RÎA ÛVORO MWARO

¹⁶ Ngai-Mûnene nîagaatûma mûnyitwe nî kîrumi mûrî matûûrarî menyu na mûrî mîgûndarî yenyu.

Gûco 28:16 ပူးပေါင်းရင်းမြစ်များ

Kîam 5:29

na agîgatuîra rîîtwa Nuhu. Nîwacokire akiuga atîrî, “Kumana na nthî îrîa Ngai-Mûnene aarumire, mwana ûyû nîagaatûvurûkia kuumana na wîra wonthe mûrito.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 17:12

Nake nîwacokirie atîrî, “Nie nevîta na Ngai-Mûnene, Ngai waku ûrîa ûtûûraga mwoyo, atî ndirî na mûgate. Nwa kamûtu kanini tu nîrî nako karî mbakûrirî na tûguta tûnini tûrî mûcuvarî, na rîu nîkwa nîrocania ngû nîguo nthiî ngaruge kamûtu kau tûrîe tûrî na mûvîcîwa tûcoke tûkue nîûndû tûtirî na irio ciîngî.”

1Atha 17:5

Kwoguo Elija nîwekire wata ûrîa Ngai-Mûnene aamwathire. Nîwathiîre na agîkara vakuvî na karûnjî ga Kerithi karîa getîkaga rûnjîrî rwa Jorodani.

Ayubu 24:18

Nwatî mugaga atîrî, “Andû arîa aganu makuuagwa na îvenya nî mwîcûro wa manjî, mîgûnda yao îthagîrwa îrî mîrume nî Ngai, matithiîcaga kûruta wîra mîgûndarî yao ya mîthavibu.

Nthi 3:33

Kîrumi Kîam Ngai-Mûnene nîkînyitaga mîciî ya andû arîa aganu, nwatî nîarathimaga mîciî ya andû arîa athingu.

Isaia 43:28

Kwoguo nînaagwatirie atongoria a varîa vatheru mûgiro. Nînarekererie Isiraeli macûkangue viû; na ngîtîkîria andû akwa marumwe.”

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 5:10

Ngothi yetû îrakana ta mwaki, nîûndû wa yûra rîrîa tûrî narîo.

Joeli 1:4

Ikundi nyîngî cia ngige nîirîte mîmera; kîrîa ngige itigîtie, ngige icio ciîngî nîirîte.

Joeli 2:3

Ta ûrîa mwaki ûvîvagia vûrûri wîkariî ta mûgûnda wa Edeni, nwatî vuva wake nîta werû, na gûtirî kîndû kîngîûra.

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Malaki 4:6

Nake mûrathi Elija nîagaacokanîrîria aciari na ciana ciao; na ethîrwa tî guo, nîngaûka na njûkangie vûrûri wenyu.”

Gûco 28:55

Ndakaarûmia wanarî ûmwe wao nyama cia ciana ciake irîa aûragîte nîguo arîe, nîûndû ndakethîrwa atigarîtie kîndû vuva wa thîna ûrîa ûkethîrwa kuo nîûndû wa kûrigicîrua nî nthû kûu matûûrarî.