Gûco 28:15 - ÎVUKU RÎA ÛVORO MWARO

¹⁵ “Nwatî ethîrwa mûtikaathîkîra na kinyi ûrîa Ngai-Mûnene Ngai wenyu akuuga, kana mûrege kûvingia maathani make na maûndû monthe marîa ngûmwatha ûmûnthî nîmûkaanyitwa nî irumi ino cionthe irûmîrîrîte na mûtûûre nacio nginya rîrîa ikaamûthiria.

Gûco 28:15 ပူးပေါင်းရင်းမြစ်များ

Kîam 3:14

Ngai-Mûnene, Ngai nîwerire njoka atîrî, “Nîûndû wa ûguo wîkîte, gatagatîrî ka nyamû cionthe, we nîûkûnyitwa nî kîrumi. Kuuma rîu we nîûtûûra ûthiîcaga ûkurumîte na ûkaarîcaga mûthetu mîthenya yonthe ya ûtûûro waku.

Kîam 4:11

We nîwanyitwa nî kîrumi na ndûkaarîma mûtheturî ûrîa wathamirie na wanyua nthakame ya mûrwanyûkwe ûrîa we ûragire.

Kîam 4:12

Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”

2Maû 12:5

Mûrathi Shemaia nîwathiîre kûrî mûthamaki Rehoboamu na atongoria a Juda arîa maagomanîte Jerusalemu nîguo maûre kuuma kûrî Shishaki na akîmera atîrî, “Ngai-Mûnene augîte atî ‘Nîmûndiganîrîtie, kwoguo nanie nînîmûtiganîrîtie njararî cia Shishaki.’ ”

2Maû 34:24

Ngai-Mûnene, Ngai augîte nîakûrete maûndû macûku gûkû Jerusalemu na kûrî andû arîa matûûraga kuo. Nîngaatûma irumi cionthe irîa mandîke îvukuurî rîrîa rîathomerwe mûthamaki wa Juda ivinge.

2Maû 7:19

Nwatî mûngîkaagarûrûka na mûtige kwathîkîra kîrîra na maathani marîa nîmûvete, na mwambîrîrie kûgooca na gûtungatîra ngai ciîngî,

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Jeremia 11:8

Nwatî matiambathîkîra kana manthikîrîria, vandû va ûguo onthe nîmaathiîre na mbere kûmia ngoro na gwîka maûndû macûku. Nînamaathîte marûmîrîre kîrîkanîro gîakwa makîrega, kwoguo nînamaverithirie kûringana na maûndû marîa mandîkîtwe kîrîkanîrorî kîu.”

Jeremia 26:4

Ûkamera Ngai-Mûnene arauga atî, ‘Ethîrwa tîmûnthikîrîria na mûrûmîrîre watho ûrîa nîmûvete,

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 40:2

Mûnene wa arangîri nîwocire Jeremia na akîmwîra atîrî, “Ngai-Mûnene Ngai waku nîwaugire atî nîagaacûkangia vandû ava,

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Hosea 7:12

Makîthiî nîngamatandîkîra neti yakwa îmagwate, nîngamagûîthia nthî ta iconi cia rîerarî, nîngamaverithia kûringana na wîvia wao.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Gûco 11:28

Mwarega kwathîkîra maathani ma Ngai-Mûnene Ngai wenyu, na mûgooce ngai ciîngî irîa mûtaaicî mbere, nîmûkaaverithua.

Gûco 28:2

Nîakaamûva indo ino cionthe mbaro na amwîngîvîrie cio makîria.

Gûco 28:45

“Irumi icio cionthe nîikaamûrûmîrîra, imûnyite na imûthirie, nîûndû nîmwaregire kwathîkîra Ngai-Mûnene Ngai wenyu, na mûkîrega kûvingia mawatho na maathani marîa aamûveere.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Gûco 5:1

Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.

Josh 23:15

Nwatî, wata ûrîa Ngai-Mûnene, Ngai wenyu aavingirie ciîranîro cionthe irîa aarûthire namue, nwaguo akaamûretithîria maûndû macûku

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

Atir 2:15

Vîndî cionthe mathiî mbaararî, Ngai-Mûnene nîwareganaga nao wata ûrîa aamerîte atî nîakameeka. Nao nîmaathînîkire mûno.

1Sam 4:10

Kwoguo Afilisiti nîmaarûire na kîîo na makîvoota Aisiraeli. Nao Aisiraeli nîmaathiîre mîciî kwao mavinyûrîte. Nakuo nîkwarî na ûûragani mwîngî mûno, na athigari ngiri mîrongo îthatû a Isiraeli nîmaaûragirwe.