Gûco 28:12 - ÎVUKU RÎA ÛVORO MWARO

¹² Ngai-Mûnene nîakaamûvingûrîra mûthithû wake kûu îgûrû amurithagîrie mbura vûrûrirî wenyu mavinda marîa magîrîru na arathimage wîra wenyu. Nîmûgaakovithia mavûrûri meengî, nwatî mûtigaakova kuuma kûrî o.

Gûco 28:12 ပူးပေါင်းရင်းမြစ်များ

1Atha 18:1

Vuva wa mîthenya mîîngî, mwakarî wa kathatû, Ngai-Mûnene nîwerire Elija atîrî, “Thiî wîyonithanie kûrî mûthamaki Ahabu, na nîngurithia mbura nthî.”

Ayubu 38:22

“Wanatonya makûmbîrî ma mbaravu, kana wona makûmbî ma mbura ya mbembe,

Thaburi 135:7

Nîke ûtûmaga matu mambate kuuma mîthiia yonthe ya nthî, nîke ûtûmaga mveni ivenie rîrîa gûkura, na akaruta rûkûngi kuuma makûmbîrî make.

Nthi 22:7

Itonga ciathaga arîa athîni, ûrîa ûkombaga nî ngombo ya ûrîa ûkombithanagia.

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Alawi 26:4

nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.

Gûco 11:14

Mweka ûguo agaatûmaga mbura yure mîgûndarî yenyu mavinda marîa magîrîru, vîndî ya mbura nene na vîndî ya mbura nini, nîguo mwîthagîrwe mûrî na ngano, ndivei na maguta ma kwîgana.

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Gûco 15:10

Vecagani mûndû ta ûcio na ûtaana na ngoro ntheru, na Ngai-Mûnene Ngai wenyu akaamûrathimaga mawîrarî menyu monthe.

Gûco 15:6

Ngai-Mûnene Ngai wenyu nîakaamûrathima wata ûrîa aamwîrîre, na mûgaakombithagia mavûrûri meengî indo cienyu, nwatî mûtigaakova kîndû kuuma kûrî vûrûri wanarî ûmwe. Mûkaathaga mavûrûri meengî, na gûtirî vûrûri ûkaamwatha.

Gûco 23:20

Nwa mwîtie mûgeni maciaro ma kîrîa mûmûkovithîtie, nwatî mûtigetie Mûisiraeli ûrîa wîngî maciaro. Mwathîkîra watho ûyû Ngai-Mûnene Ngai wenyu nîakaamûrathimîra mawîra menyu monthe marîa mûkaaruta mûrî vûrûrirî ûrîa mûgaatonya mwîgwatîre.

Gûco 28:24

Ngai-Mûnene nîagaatûma rûkûngû na mûthanga ciure ta mbura kuuma îgîrû, nginya rîrîa mûkaathira.

Gûco 28:44

Makaamûkovithagia indo, nwatî mue mûtikoona gîa kûmakovithia. Makethîrwa marî a mbere namue mûrî a mûthiia.