Gûco 28:1 - ÎVUKU RÎA ÛVORO MWARO

¹ “Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.

Gûco 28:1 ပူးပေါင်းရင်းမြစ်များ

1Maû 14:2

Nake Daudi nîwamenyire atî Ngai-Mûnene nîwamûtuîte mûthamaki wa Isiraeli na ûthamaki wake nîwathiîcaga ûkînenevaga nîûndû Ngai-Mûnene nîwendete andû ake.

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Thaburi 119:128

Kwoguo, nînûmagîrîra mawatho maku monthe; nînthûrîte njîra cionthe itarî cia ûma.

Thaburi 119:6

Nîngîrûmîrîra maathani maku monthe, ndigaacoka gûconorithua.

Thaburi 148:14

Nîatûmîte andû ake magîe na vinya, nîguo andû ake onthe mamûgooce, andû a Isiraeli arîa endete mûno. Kumiani Ngai-Mûnene!

Thaburi 91:14

Ngai augîte atîrî, “Nîngaavonokia mûndû wa wonthe ûmendete; nîngaagitîra mûndû ûrîa ûmbicî.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 23:22

Nwatî mûngîmwathîkîra na mwîkage maûndû monthe marîa ngûmwatha ngaarûaga na nthû cienyu cionthe.

Ntha 23:25

Ethîrwa nîmûkaangooca nie Ngai-Mûnene, Ngai wenyu, nîngaamûrathima na irio na manjî, na nîmûthengutîria mîrimû gatagatîrî kenyu.

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 9:48

na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Johana 15:14

Mwona mweka maûndû marîa nîmwathaga, nîmûgûtuîka arata akwa.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Gûco 11:13

“Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Gûco 11:27

Ethîrwa nî mûkwathîkîra maûndû marîa Ngai-Mûnene Ngai wenyu amwathîte, nîmûkwamûkîra kîrathimo.

Gûco 15:5

ethîrwa nîmûkûmwathîkîra na mûrûmîrîre na kinyi maûndû marîa ngûmwatha ûmûnthî.

Gûco 26:18

Nake Ngai-Mûnene nîwauga ûmûnthî, atî mue mûrî andû ake kîûmbe wata ûrîa aamwîrîîre na nîmwagîrîrwe nî kûvingagia maathani make monthe.

Gûco 26:19

Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

Gûco 28:13

Ngai-Mûnene nîakaamûtua a mbere nwatî tî a mûthiia. Maûndû menyu makethagîrwa makîthiî na mbere na matigaacoka na vuva, ethîrwa nî mûkwathîkîra maathani ma Ngai-Mûnene Ngai wenyu marîa ngûmwatha ûmûnthî na mûmavingagie na kinyi.