Gûco 27:3 - ÎVUKU RÎA ÛVORO MWARO

³ Nîmûgaacoka mwandîke maathani mama monthe mathigarî mau mwarîkia gûtonya vûrûrirî ûrîa Ngai-Mûnene Ngai wa methe menyu akûmûva, wata ûrîa aamwîrîîre. Vûrûri ûcio wîcûrîte îriia na ûûkî.

Gûco 27:3 ပူးပေါင်းရင်းမြစ်များ

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 32:22

Nîwamavere vûrûri ûrîa wamerîre. Vûrûri ûrîa werîre methe metû, vûrûri ûrî îriia na ûûkî.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Ndari 14:8

Ethîrwa Ngai-Mûnene nîakwona tûrî agîrîru, nîagûtûvira vûrûrirî ûcio wîcûrîte îriia na ûûkî na atûve guo.

Gûco 26:9

Ngai-Mûnene nîwatûretire vûrûrirî ûyû wîcûrîte îriia na ûûkî.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Gûco 6:8

Moverereni njararî cienyu, na mothiûrî menyu nîguo mûmaririkanage.

Ahib 10:16

“Gîkî nîkîo kîrîkanîro kîrîa ngaarîkanîra nao mîthenyarî îrîa îgaûka. Ûguo nîguo Mwathani akuga. Nîngekîra mawatho makwa ngororî ciao, na nîmandîke meciriarî mao.”

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.

Josh 8:32

Andû a Isiraeli marî vo Joshua nîwandîkire mawatho mathigarî marîa maatumire metha ya kîgongoona. Mawatho mau nî ta marîa Musa aandîkîte.