Gûco 27:26 - ÎVUKU RÎA ÛVORO MWARO

²⁶ “ ‘Kûnyitwa nî kîrumi nî mûndû ûrîa ûkûregana na mawatho mama monthe ma Ngai na kûmavingia.’ “Nao andû onthe nîmakaauga, ‘Ameni!’

Gûco 27:26 ပူးပေါင်းရင်းမြစ်များ

2Atha 22:13

“Thiîni mûkaûrie Ngai-Mûnene vandûrî vakwa, na vandûrî va andû onthe a Juda ûvoro wîgiî mandîko ma îvuku rîîrî rîronekire, nîûndû Ngai-Mûnene nîmûrakaru mûno nîtue nîûndû methe metû matiavingia maûndû monthe marîa matwîgiî kûringana na ûrîa îvuku rîîrî riugîte.”

Ezira 7:26

Ethîrwa kûrî mûndû ûtakaathîkîra watho wa Ngai wenyu kana watho wa vûrûri, mûndû ûcio nîakaaverithua. Akaaverithua na njîra ya kûûragwa kana kûthamua, gûcunwa indo ciake kana kwovwa njera.”

Thaburi 119:21

We Ngai-Mûnene nîûgûkagia andû arîa etîi na arîa arume, acio matiganagîria maathani maku.

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Aroma 10:5

Musa nîwandîkire ûvoro wîgiî ûrîa mûndû atuîkaga mûthingu na njîra ya kwathîkîra watho na akiuga atîrî: “Mûndû wa wonthe wathîkagîra watho nî agaatûûra mwoyo.”

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

2Akor 3:9

Ethîrwa watho ûrîa ûtucagîra andû warî na riiri, na kinthî wîra wa Roho wa Ngai ûrîa ûtucaga andû athingu ndûrî na riiri makîria.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’