Gûco 26:6 - ÎVUKU RÎA ÛVORO MWARO

⁶ Andû a Misiri nîmaatûvinyîrîrie, magîtûnyamaria na magîtûrutithia wîra wa ûkombo.

Gûco 26:6 ပူးပေါင်းရင်းမြစ်များ

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 1:14

Nîmaatûmire mûtûûrîre wao ûtuîka mûmû na njîra ya kûmarutithia wîra wa mîako na wa mîgûnda matekûmeguîra ntha.

Ntha 1:16

Nîwamerire atîrî, “Vîndî îrîa mûgûtethia aka Ahibirania gûciara ûragagani kaana ethîrwa nî kavîcî, nwatî ethîrwa nî kerîtu mûkareka gatûûre.”

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Ntha 1:8

Nakuo nîgwacokire gûkîgîa na mûthamaki wîngî wa kwathana Misiri. Mûthamaki ûcio ndaicî Josefu.

Ntha 5:19

Nao arûngamîrîri a andû a Isiraeli nîmoonire atî maarî thînarî rîrîa meerirwe atî nwanginya maûmbe matuvarî wa mûthenya megana ta ûrîa maaûmbaga mbere.

Ntha 5:23

Nîûndû kuuma nathiî kûrî mûthamaki wa Misiri kwaria na rîîtwa rîaku, ke nwa kûvinyîrîria avinyagîrîria andû aya. Nawe Ngai-Mûnene gûtirî ûndû wîkîte wa kûmavonokia!”

Ntha 5:9

Nîmavewe wîra mûnene makîria na matikarekwe magûtara nîguo matikathikagîrîrie maûndû ma maveeni.”

Ndari 20:15

Nîmwîcî ûrîa methe metû maathiîre Misiri, na ûrîa twatûûrire Misiri mîaka mîngî, wana ûrîa andû a Misiri maatûnyamaririe wa vamwe na methe metû,

Gûco 26:7

Nîtwarîrîre Ngai-Mûnene Ngai wa methe metû atûtethie. Ngai-Mûnene nîwatwîguire, na akîona ûrîa twanyamarîkaga, twarutithagua wîra mûrito na nîtwavinyagîrîrua.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.