Gûco 26:2 - ÎVUKU RÎA ÛVORO MWARO

² wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Gûco 26:2 ပူးပေါင်းရင်းမြစ်များ

2Atha 4:42

Vîndî îo mûndûmûrûme ûmwe nîwaumire Baali Shalisha avirîrîte Elisha mîgate mîrongo îîrî îrugîtwe na mûtu wa maciaro ma cairi ya mbere mwaka ûcio, na igira cia ngano ikethetwe warîo. Indo icio ciarî nguniarî. Nake Elisha nîwerire ndungata yake înengere arathi marîe.

2Maû 31:5

Rîrîa watho ûcio wakinyire kûrî andû a Isiraeli, nîmaarutire indo ciao nyîngî na njîra ya kwîyendera. Nîmaarutire maciaro ma mbere ma irio cia mîgûnda, ndivei, maguta, ûûkî na indo cionthe irîa maakûragia mîgûndarî yao. Nîmaarutire gîcunjî gîa îkûmi Kîam indo cionthe irîa maarî nacio.

2Maû 6:6

Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

Nehemia 12:44

Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

Nehemia 13:31

Nînavangire ûrîa ngû ikaaretagwa mavinda marîa maagîrîru, na matega ma matunda ma mbere vîndî îrîa matunîva. Ndirikana we Ngai wakwa, nîûndû wa maûndû mau monthe.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 22:29

“Ndutagîra matega maku ma ngano, ndivei, na maguta ma ndamaiyû vîndî ya cio yakinya. “Mvecaga îrikithathi rîaku rîa anake.

Ntha 23:16

“Kûngûagîrani kîrugo Kîam maketha menyu ma mbere ma indo irîa mûvandîte kwenyu mîgûndarî. “Kûngûagîrani kîrugo Kîam ithûnû wa mwaka ûkîthiî kûthira vîndî îrîa mwaketha maciaro kuuma mîgûndarî yenyu ya mîtunda.

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 44:30

Maketha ma mbere marîa maro mûno na indo irîa mbaro mûno cia matega menyu irîa mûndutagîra ikaavecagwa athînjîri-Ngai. Vîndî cionthe rîrîa mwakanda mûgate, mûgate wa mbere ûkaavecagwa athînjîri-Ngai rîrî îtega nanie ngarathimaga mîciî yenyu.

Ezek 48:14

Gîcunjî kîrîa Kîammûrîre Ngai-Mûnene nîkîo Kîamro mûno vûrûrirî. Gîtikendua kana gîkûrananue kana kîgaîrwe mûndû wana ûrîkû, nîûndû nî kîtheru na nîkîa Ngai-Mûnene.

Alawi 2:12

Nwa ûrutîre Ngai-Mûnene indo icio irî îtega rîa maketha maku ma mbere, nwatî itîkaavîvîrua îgûrû rîa metha ya kîgongoona.

Alawi 2:14

Rîrîa ûkûrutîra Ngai-Mûnene îtega rîa maketha maku ma mbere, ûrutage irio cia mûgûnda irî mbokie, kana mûtu ûthîîtwe wa ngano.

Aroma 11:16

Ethîrwa kîenyûa Kîam mûgate kîrutîrîtwe Ngai nî kîtheru, mûgate wonthe nî mûtheru. Ethîrwa mîri ya mûtî îrutîrîtwe Ngai nî mîtheru, wana mvûa nî ntheru.

Aroma 16:5

Kethiani wana kanitha ûrîa ûcemanagia nyombarî yao. Kethiani mûrata wakwa Epaeneto, ûrîa warî wa mbere gwîtîkia Kristû vûrûrirî wa Asia.

Aroma 8:23

Nwatî twa ciûmbe cionga tu icaaga, wana tue ene arîa tûrî na Roho ûrî ta kîveo Kîam mbere Kîam iveo cia Ngai nîtûcayaga na kûu ndaarî yetû wa tûgîetagîrîra Ngai atûtue ciana ciake na atûkûûre viû kuuma ûkomborî.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

1Akor 15:23

Wa mûndû nîakaariûkua kavinda gake gakinya. Kristû nîke warî wa mbere kûriûkua. Na rîrîa Kristû agaaûka, arîa mamwîtîkîtie nîmakaariûkua.

1Akor 16:2

Wa mûthenya wa Jumaviri, wa mûndû nwa nginya aigage mbeca kûringana na ûrîa athûkûmîte. Wa mûndû nîwagîrîrwe nî kwiga mûthithû nîguo gûtikethîrwe kûrî na vata wa kûngania mbeca rîrîa ngaaûka.

Gûco 16:10

mûcoke mûkûngûîre kîrugo Kîam maketha. Rutagîrani Ngai-Mûnene Ngai wenyu matega ma kwîyendera vîndî ya kîrugo gîkî îrî njîra ya kûmûva gîtîîo, wa mûndû kûringana na ûrîa arathimîtwe.

Gûco 18:4

Akaavecagwa maketha ma mbere ma ngano, ndivei, maguta ma ndamaiyû, na guoya wa ng'ondu ûrîa ikenjagwa riita rîa mbere.

Gûco 26:1

“Mwarîkia gûkinya vûrûrirî ûrîa Ngai-Mûnene, Ngai wenyu akûmûva rîrî îgai rîenyu, na mûtûûre kuo,

Gûco 26:3

Nîagaacoka athiî kûrî mûthînjîri-Ngai ûrîa ûkethîrwa agîtungata îvinda rîu na amwîre atîrî, ‘Ûmûnthî nînetîkîra mbere ya Ngai-Mûnene, Ngai waku, atî nînakinya vûrûrirî ûrîa eerîre methe metû ma tene atî nîagaatûva.’

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.