Gûco 26:19 - ÎVUKU RÎA ÛVORO MWARO

¹⁹ Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

Gûco 26:19 ပူးပေါင်းရင်းမြစ်များ

Thaburi 148:14

Nîatûmîte andû ake magîe na vinya, nîguo andû ake onthe mamûgooce, andû a Isiraeli arîa endete mûno. Kumiani Ngai-Mûnene!

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 19:6

andû nyamûrîrîtwe na mûndungatagîre mûrî athînjîri-Ngai.”

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

Gûco 27:1

Musa na atongoria a Isiraeli nîmeerire andû atîrî, “Athîkagîrani Maathani monthe marîa ngûmwatha ûmûnthî.

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.

Gûco 28:13

Ngai-Mûnene nîakaamûtua a mbere nwatî tî a mûthiia. Maûndû menyu makethagîrwa makîthiî na mbere na matigaacoka na vuva, ethîrwa nî mûkwathîkîra maathani ma Ngai-Mûnene Ngai wenyu marîa ngûmwatha ûmûnthî na mûmavingagie na kinyi.

Gûco 28:9

“Ethîrwa nî mûkwathîkîra Maathani ma Ngai-Mûnene Ngai wenyu na mwîke maûndû monthe marîa amwathîte, nîakaamûtua andû ake atheru wata ûrîa aamwîrîîre.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.