Gûco 26:13 - ÎVUKU RÎA ÛVORO MWARO

¹³ Weka ûguo, nîûgaacoka uuge ûrî mbere ya Ngai-Mûnene, Ngai waku, ‘Nînaruta kîrîa kîtheru kuuma nyomba yakwa na nanengera Alawi, ageni, ciana cia ndigwa na aka a ndigwa, wata ûrîa wambathire mbîke. Ndirî munu rîathani wanarî rîmwe rîa Maathani maku kana ndiganîrwa nîmo.

Gûco 26:13 ပူးပေါင်းရင်းမြစ်များ

Thaburi 119:139

Nîmbakanagwa nî marakara, nîûndû nthû ciakwa nîiriganagîrwa nî ciugo ciaku.

Thaburi 119:141

Nie ndirî îgweta na nîrî mûnyarare, kûnarî ûguo, ndiriganagîrwa nî mawatho maku.

Thaburi 119:153

Roria mathîna makwa na ûmvonokie, nîûndû ndiriganagîrwa nî watho waku.

Thaburi 119:176

Mbûrûraga ta ng'ondu yûrîte; ûka ûnjarie, nie ndungata yaku, nîûndû ndiriganagîrwa nî mawatho maku.

Thaburi 119:93

Ndikaariganîrwa nî maathani maku; nîûndû nîmo matûmîte ndûûre mwoyo.

Thaburi 26:6

Nîrethambia njara ciakwa monanie atî ndirî na mavîtia, na nthiûrûrûke metha yaku ya kîgongoona ngîkûgooca, we Ngai-Mûnene,

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 11:31

Ngai na nîke Îthe wa Mwathani Jesû, nîaicî atî nie ndiraveenania. Rîîtwa rîake rîrokumagua tene na tene!

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Gûco 26:12

Wa mîaka îthatû yathira, mûndû wa wonthe gatagatîrî kenyu akarutagîra Alawi, ageni, ciana cia ndigwa na aka a ndigwa gîcunjî gîa îkûmi Kîam maketha kuuma mîgûndarî yenyu, nîguo methagîrwe marî na irio cia kûmegana marî kûu matûûrarî menyu.

Gûco 26:14

Ndiarîa gîcunjî gîa îkûmi vîndî îrîa naacakayaga; kana nîkîruta nîrî na gîko, kana nîkîrutîra akuû. Nîmbathîkîrîte ûrîa wonthe Ngai-Mûnene, Ngai wakwa augîte, na ngeeka maûndû monthe marîa ambathîte mbîke.

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.