Gûco 25:9 - ÎVUKU RÎA ÛVORO MWARO

⁹ mûndûmûka ûcio nîakaaruta mûndû ûcio kîratû kîmwe gîa kûgûrû gwake acoke amûtuîre mata ûthiû mbere ya atongoria a îtûûra na amwîre atîrî, ‘Ûguo nîguo mûndûmûrûme ûrîa ûregete gûciarîra mûrwang'ina ciana ekagwa.’

Gûco 25:9 ပူးပေါင်းရင်းမြစ်များ

Ayubu 30:10

Nîmamenete na matiendaga kûmona, rîrîa maamona tu, maminjaga mînyîrî.

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 27:30

Nao nîmaamûtuîrîre mata, magîoca rûthanju na makîmûringa kîongo.

Maariko 1:7

Nîwavunjîrie andû na akîmeera atîrî, “Ûrîa ûgûka vuva wakwa nî mûnene kûngîra na nie ndirî mwagîrîru wa kûvota gûkuamîrîria nîmwovore iratû ciake.

Maariko 10:34

arîa makaamûnyûrûria, mamûtuîre mata mamûrive na ivoko na mamûûrage, na vuva wa mîthenya îthatû ariûke.”

Johana 1:27

Ke nîagûka vuva wakwa na nie ndirî mwagîrîru wa kwovora ndigi cia iratû ciake.”

Gûco 25:10

Vûrûrirî wa Isiraeli kuonthe mûciî wake ûgetagwa, ‘Mûciî wa mûndû ûrîa warutirwe kîratû.’

Gûco 25:8

Atongoria a îtûûra nîmageta mûndû ûcio nîguo mamwarîrie. Mûndû ûcio angîkaarega kûthambia mûka ûcio wa mûrwang'ina,

Ruthu 4:6

Nake mûndû ûcio nîwacokirie atîrî, “Ethîrwa ûguo nîguo gûgwîkara, nie tîngûra mûgûnda ûcio, nîûndû ûguo nî ta kuga ciana ciakwa itingîûgaa. Gûra mûgûnda ûcio arî we. Nî kava ndigane naguo.”

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.