Gûco 25:15 - ÎVUKU RÎA ÛVORO MWARO

¹⁵ Tûmagîrani ithimi irîa mbagîrîru na cia ma, nîguo mûtûûre mîaka mîngî vûrûrirî ûrîa Ngai-Mûnene, Ngai wenyu akûmûva.

Gûco 25:15 ပူးပေါင်းရင်းမြစ်များ

Thaburi 34:12

Nwa wende gûkenera ûtûûro waku? Nwa wende gûtûûra îvinda îraca na ûrî na gîkeno?

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ezek 45:10

Mûndû wa wonthe nwanginya avûthagîre ithimi irîa mbagîrîru akîthima ûrito kana ûraca wa kîndû.

Alawi 19:35

“Mûtikaveenanie na njîra ya gûtûmîra ithimi irîa itagîrîrîte rîrîa mûkûthima ûraca, ûrito, kana wîngî.

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Aefeso 6:3

“nîguo maûndû monthe maku mathiî waro na ûtûûre îvinda îraca gûkû nthî.”

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 17:20

Eka ûguo, ndakeyona arî mûnene gûkîra andû acio engî a Isiraeli, na gûtirî vîndî akaarega kwathîkîra maathani ma Ngai nîguo mûthamaki ûcio na njiarwa ciake makaathana îvinda îraca kûu Isiraeli.

Gûco 25:14

Ndûkethagîrwe wî na ithimi igîrî ngûrani, kîmwe kînene na kîmwe kînini.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:18

Îkagani maûndû marîa magîrîre na marîa maro methorî ma Ngai, nîguo maûndû menyu methîrwe marî maro na mûvote kwîgwatîra vûrûri mwaro ûrîa Ngai-Mûnene eerîre methe menyu na mwîvîtwa atî nîakaamava,

1Pet 3:10

Mandîko Matheru maugîte atîrî: “Mûndû wa wonthe wendete mwoyo wake, na wendaga gûtûûra akenete, nwanginya atige kwaragia maûndû macûku, na atige kwaragia maveeni.