Gûco 25:1 - ÎVUKU RÎA ÛVORO MWARO

¹ “Ethîrwa kûrî na ngarari gatagatîrî ka Aisiraeli aîrî na oîrî mathiî îgootirî nîguo matwithanue, nake mûtwithania ciira atue atî ûmwe tî mwîvia na ûcio wîngî nî mwîvia,

Gûco 25:1 ပူးပေါင်းရင်းမြစ်များ

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

Ntha 22:9

“Andû mangîgîa na ngarari nîûndû wa kîndû, wana angîthîrwa nî îgûrû rîgiî ndegwa, mvunda, ng'ondu, nguo kana kîndû wa kîonthe kîrîa kîûrîte, andû acio nwanginya makaavirwa varîa vagoocagîrwa Ngai. Ûrîa Ngai akoonania atî nîke ûrî na mavîtia nî akaarîva ûcio wîngî maita maîrî ma kîrîa magûkararanagîria.

Nthi 17:15

Mûndû ûrîa ûverithagia mûndû mûthingu na mûndû ûrîa ûrekagîrîria mûndû mwaganu, Ngai-Mûnene nîamathûrîte wa oîrî.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 5:20

Andû arîa metaga maûndû macûku maro kaî marî na thîna-î, namo maûndû maro makameta macûku. Arîa maugaga nduma nî ûtheri, naguo ûtheri nî nduma. Arîa maugaga kîndû kîrîa kîrûrû kîrî mûrîo, nakîo kîrîa kîrî mûrîo nî kîrûrû.

Isaia 5:23

Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Maca 3:35

Na akoona rîrîa kîvooto Kîam mûndû gîtararûmîrîrwa.

Maca 3:36

Na nîamenyaga rîrîa ciira ûtagûtuwa na kîvooto.

Ezek 44:24

Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Habakuku 1:4

Kwoguo watho ndûrî na vata, na kîvooto gîtirûmagîrîrwa. Andû arîa acûku mathiûrûrûkîrîtie andû arîa aro, kwoguo kîvooto gîtirûmagîrîrwa.

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Gûco 17:11

Amûkagîrani îtua rîao na mûrûmagîrîre kîrîra Kîamo kîonthe.

Gûco 24:22

Ririkanani atî mwarî ngombo vûrûrirî wa Misiri, na kîu nîkîo gîtûmîte nîmwatha mwîke maûndû mama.