Gûco 24:16 - ÎVUKU RÎA ÛVORO MWARO

¹⁶ “Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.

Gûco 24:16 ပူးပေါင်းရင်းမြစ်များ

2Maû 25:4

Nwatî ndaaûragithia ciana ciao. Eekire wata ûrîa Ngai-Mûnene athanîte wathorî wa Musa atîrî, “Methe matikaaûragwa nîûndû wa mevia ma ciana ciao, kana ciana ciûragwe nîûndû wa mevia ma methe mao. Nwatî wa mûndû akaaûragwa nîûndû wa mevia make ke mwene.”

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Danieli 6:24

Mûthamaki nîwacokire akîathana atî andû acio onthe maacukîte Danieli na magîtûma aikue îrimarî rîa mînyambû, maikue îrimarî rîu vamwe na aka ao na ciana ciao. Nao onthe nîmaakîrirue vinya nî mînyambû na makiunangwa mavîndî wana mbere ya makinya gîtina Kîam îrima rîu.

Ndari 26:11

Nwatî avîcî a Kora matiakua.)

1Sam 22:16

Nake mûthamaki nîwerire Ahimeleku atîrî, “We vamwe na andû onthe a mûciî wenyu nwanginya mûragwe.”