Gûco 24:15 - ÎVUKU RÎA ÛVORO MWARO

¹⁵ Marîvageni wa mûthenya wîra ûrîa matinda makîruta mbere ya gûtuka, nîûndû methagîrwa mevokete mbeca icio. Ûngîrega kûmarîva, nwa marîrîre Ngai-Mûnene, naguo ûndû ûcio ûgatuîka wîvia kûrî mue.

Gûco 24:15 ပူးပေါင်းရင်းမြစ်များ

Ayubu 31:13

Ethîrwa nîndegete kûthikîrîria mateta ma ndungata yakwa ya mûndûmûrûme kana ya mûndûmûka, rîrîa maaretire mateta mao kûrî nie,

Ayubu 31:38

Ethîrwa nîkwa mbîîte mûgûnda ûrîa nîmaga, na ngaûcuuna arîa ene guo,

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Ayubu 35:9

“Rîrîa andû mavinyîrîrua mûno nîmarîraga, nîmetagia ûtethio nîûndû wa kûvinyîrîrua nî arîa marî vinya,

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Thaburi 24:4

Nî andû arîa marî ciîko mbaro na marî meciria matheru, arîa matagoocaga mîvuanano, na matevîtaga na ûndû wa maveeni.

Thaburi 25:1

We Ngai-Mûnene we nîwe mvoyaga,

Thaburi 86:4

We Mwathani, tûma ngoro ya ndungata yaku îkene, nîûndû we nîwe mvoyaga.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 22:13

“Kûgwatwa nî thîna nî mûndû, ûrîa ûtumaga nyomba yake na njîra îtagîrîrîte, na agekîra ngorova atarî na kîvooto. Andîkaga andû mamûrutîre wîra na ndamarîvaga.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 25:35

“Ethîrwa Mûisiraeli ûrîa wîngî mûtûûranîrîte nake nîwatuîka mûthîni na eremwa, nwanginya mûmûtethagie na kîrîa angîvatara, nîguo mûvotage gûtûûrania nake wata ûrîa mûtethagia ageni arîa mûtûûranagia nao.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 20:8

“Na kîvwaî gîakinya, mwene mûgûnda ûcio nîwerire mûmenyereri wa mûgûnda wake atîrî, ‘Îta aruti wîra na ûmarîve mûcara wao na wambîrîrie na arîa mandîkirwe vuva, ûcoke ûrîkîrîrie na arîa mandîkirwe mbere.’

Maariko 10:19

We nîwîcî maathani ma Ngai: ‘Ndûkanaûragane; ndûkanatharanie; ndûkanaîe; ndûkanaigîrîre mûndû kîng'enyo; ndûkanaveenanie; tîîa aguo na nyûkwe.’ ”

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.

1Tim 5:18

Nîûndû mandîko matheru maugîte atîrî, “Ndûkove ndegwa kanyua rîrîa îraruta wîra mûgûndarî,” na “Mûruti wîra nwanginya arîvagwe mûcara wake.”

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.